سیلاولر رویخطیدن چیقاریلگن نامزدلردن قطاری ایکی هفتهدن بویان سیلاولر ایرکین کمیسیونی برابریده ناراضلیک قیلیب خیمه قورگن ایدیلر بیراق بوگون "شنبه" ناراض نامزدلرنینگ خیمهلری پولیس تامانیدن توپلهندی.
عینحالده، خیمهلری توپلهنگن ناراض نامزدلردن بیرقطارینینگ ایتیشیچه، اعتراضلریگه دوام بیرهدیلر.
ناراض نامزدلردن بیری مریم کوفینینگ سلاموطندارگه ایتیشیچه، حکومت دموکراسی نی ایاق آستیگه قیلماقده. خانم کوفی گه کوره، هرقندی اقدامدن آلدین حکومتنینگ ناراض نامزدلرنینگ قناعتی نی قولگه کیلتیریشی کیره‌ک.
خانم کوفی گه کوره، سیلاولر شکایتلرینی تینگلش کمیسیونی نامزدلر بیلن سیاسی و سلیقهوی شکلده یول بارهدی.
ناراض نامزدلردن باشقه بیری قیس حسننینگ ایتیشیچه، امنیتی کوچلر ناراضچیلرگه قرشی زور دن ایش آلگن و خیمهلرنی توپلهش جریانیده ناراضچیلردن 10 تهسی یرهلنگن دیر. اونینگ تاکید قیلیشیچه، ایستهکلریگه دقت بولمهگن صورتده نارضلیکلریگه دوام بیرهدیلر.
جناب حسننینگ ادعا قیلیشیچه، امنیتی کوچلر کیچهنی یرمیده خیمهلرگه هجوم قیلیب گاز و قوللریگه بولگن قوراللردن قولهنگنلر. اونینگ ایتیشیچه، امنیتی کوچلر ناراضچیلرنینگ آزقهاوقاتلرینی اوز لری بیلن آلیب کیتیب و موترلرینی تخریب قیلگن.
بیراق سیلاولر ایرکین کمیسیونی سوزلاوچیسینینگ اورین باسری عبدالعزیزنینگ ایتیشیچه، بوتون ولایتلرده سیلاولر ایرکین کمیسیونی برابریده بولگن خیمه‌لر هفته جریانیده توپلهندی.
سیلاولر نهایی رویخطیدن چیقاریلگن نامزدلرنینگ طرفدارلری قطار ولایتلرده ناراضلیک قیلیب سیلاولر ایرکین کمیسیونی دفترینی ایکی هفته دن بویان یاپیب قویگنلر.
