میدان وردک ولایتی‌نی محلی رسمی‌لری‌نینگ ایتیشیچه، اوتگن کون کیچ قورون جلریز تومنی زیولات منطقه‌سیده امریکا حربی‌لری ایکینچیلیک تعلیماتی بیریله‌دیگن بیر مکتب‌نی بمبارد قیلگن.
سلام‌وطندارگه صحبت بیرگن میدان وردک حاکمی سوزلاوچیسی عبدالرحمان منگل‌نینگ ایتیشیچه، جلریز تومنیده قوراللی طالب‌لر امریکا کوچلری‌نینگ کاروانی گه هجوم قیلگن و نتیجه‌ده امریکا عسکرلریدن بیری هلاک و باشقه بیری یره‌لنگن.
منگل گه کوره، امریکا حربی‌لری هم اویوشتیریلگن هجوم گه عکس‌العمل بولیشی اوچون زیولات مکتبی‌نی هوا دن نشان گه آلگن و نتیجه‌ده نیچه قوراللی طالب هلاک و مکتب بوتونله‌ی ویران ایتیلگن.
باشقه تاماندن، سلام‌وطندارگه صحبت بیرگن میدان وردک ولایت کینگشی اعضاسی شریف‌الله هوتک‌نینگ ایتیشیچه، مذکور مکتب اوتگن ییل معارف وزیرلیگی تامانیدن 30 میلیون افغانی خرجت کوتریب و اوچ طبقه‌ده قوریلگن و بو مکتب‌ده 500 دن آرتیق اوقووچی درس اوقیدی ایکن.
کیسکین حمایه‌وی کوچلر و طالب‌لر حاضرگچه بو توغریده میدیاگه هیچ نرسه دیمه‌گن.
