غور یشاوچیلریدن بیرقطاری‌نینگ ایتیشیچه، مذکور ولایتده کام‌ایر هوایی شرکتی‌نینگ اوچیش‌لری توخته‌تیلگنیدن سونگ، باشقه هیچ بیر هوایی شرکت فعالیت قیلمه‌یدی.
اولرنینگ ایتیشیچه، بو ایش سبب، یشاوچیلر کسل‌لرینی انتقال بیریش و ایش برنامه‌لرینی عمل‌گه آشیریش خصوصیده، کوپینچه قیین‌چیلیک‌که روپه‌ره بولگن.
انترکانتنینتال هوتلی اوستیگه صورت تاپگن قوراللی هجوم نتیجه‌سیده کام‌ایر هوایی شرکتی نینگ ایشلاوچی‌لریدن بیر قطاری هلاک ایتیلگنی سبب، اوشبو شرکت قطار ولایت‌لرده اوچیش‌لرینی توخته‌تیب قویگن.
حاضرده غور ولایتی‌نینگ دولت رسمیلری و یشاوچیلرینینگ ایتیشیچه، هوایی اوچیش‌لر توخته‌تیلیب قوییلگنی اوشبو ولایت یشاوچیلری‌گه قرشی قیین چیلیک یره‌تگن.
اولرنینگ ایتیشیچه، ناتینچیلیک، یول اوزونلیگی و بوزیلگنی باعث، کسل‌لرینی کابل و هرات ولایت لریگه انتقال بیریش زور دیر.
اولر محلی و مرکزی رسمیلردن اهالی قیین چیلیگی‌گه دقت قیلیب و هوایی اوچیش‌لرگه زمینه یره تیلیشی نی سوره‌گنلر.
غور یشاوچیلریدن ایکی کیشی صالح‌محمد شیرزی و محمدهاشم فیضی‌نینگ سلام‌وطندارگه ایتیشیچه، کابل و هرات باریش خصوصیده ،هوایی اوچیش بولمه‌گنی سبب، کوپینچه قیین چیلیک لر بیلن دوچ کیلگن لر.
عین‌حالده، غور محلی رسمیلری مذکور ولایت ده هوایی اوچیش‌لر باشله نیشی خصوصیده سعی و حرکت لری بولگنی دن خبر بیریب و کیله سی 4 آی گه‌قدر هوایی شرکت‌لردن بیری کابل- غو و غور- هرات گه اوچیش‌لرینی باشله‌یدی دیگنلر.
غور حاکمی‌نینگ سوزلاوچیسی عبدالحی خطیبی‌نینگ ایتیشیچه، فنی و حقوقی قیین چیلیکلر بولگنی سبب هوایی اوچیش‌لر باشلنمه‌گن.
عین‌حالده کام‌ایر هوایی شرکتی‌نینگ مسؤولی سلیمان عمر، اوچاغ بولمه‌گنی سبب، مذکور شرکت‌نینگ غور ولایتیده‌گی اوچیش‌لری توخته‌تیلیب قوییلگن و کیله سی ایکی آی گه‌قدر اوچیش لر قیته دن باشله نیشی ممکن‌لیگی نی بیلدیرگن.
