افغانستان بوییچه باش قارهلاوچیلیک سوزلاوچیسی جمشید رسولی نینگ ایتیشیچه، اوتگن ییل جدی آیی دن بویان عیاللرگه قرشی 2527 زوروانلیک قضیه تیکشیریلگن.
بوگون «چهارشنبه، 22- عقرب» کابلده خبری ییغین اوتکزگن جناب رسولی نینگ ایتیشیچه، رویخطگه آلینگن قضیهلرگه کلتکلش، جنسی زوروانلیک، قیناققه سالیش، زوردن نکاح قیلیش و تورموش قوریش حقینی آلیشدن عبارت بولگن.
اونگه کوره، عیاللرگه قرشی زوروانلیکلردن رویخطگه 2527 قضیهدن 1240 تهسی کلتکلش، 263 تهسی قیناققه سالیش، 149 تهسی جنسی زوروانلیک و 217 تهسی سوکیش و اهانت قیلیش بولگن.
باش قارهلاوچیلیک سوزلاوچیسی گه کوره، بو قضیهلر مملکت نینگ 34 ولایتیده رویخطگه آلینگن، بیراق بو قضیهلردن کوپینچهسی کابل، هرات، بلخ و قندهار ولایتلریده یوز بیرگن.
باش قارهلاوچیلیک مسؤوللری نینگ کوپهیتیریشیچه، مذکور اداره تشکیلاتیده عیاللرگه قرشی زوروانلیکلر برابریده کورهش اورین باسرلیگی ایجاد ایتیلگن و شونینگدیک، مملکت نینگ 34 ولایتیده عیاللرگه قرشی زوروانلیکلرنی برابریده کورهشیش قارهلاوچیلری فعالیت قیلیشهدی.
باش قارهلاوچلیک تامانیدن بیریلگن رقملر اساسیده، اوشبو اداره ده عیاللرنینگ حضوری اوتگن ییل گه نسبتن 22% کوپهیگن و مملکت نینگ 32 ولایتیده عیال قارهلاوچیلر موجود و اوتگن ییللرده یالغیز بیش-آلتی ولایتده عیاللر قارهلاوچیلر موجود ایدی.
شو توغریده…
هرات ولایتیده عیاللرگه قرشی زوروانلیک کمهیگن
