اداره‌لر گه اصلاحات کیلتیریش ایرکین کمیسیونی، بوگون "پنجشنبه" جمهور باشلیغ غنی‌نینگ حضوری بیلن، کابل ولایتی‌نینگ اوقیتووچیلر، 5 و 6- بست‌لر سناوی نی باشله‌دی. اوشبو اوقیتووچی‌لیک بست لرنینگ سیناوی نینگ 30 مینگ کیشی حضوری بیلن ایکی دوره سیناو آلینیشی ممکن و اوندن سونگ ملکی خذمت‌لر 5 و 6- بست لر سیناوی آلینه‌دی.
جمهور باشلیغ غنی‌نینگ اوقیتووچیلردن سیناو آلیش مراسمی‌ده ایتیشیچه، ایشلاوچی‌لرنینگ سالم رقابتی لایحه آرقه‌لی استخدام ایتیلیشی اساسی تحول قوریلیش‌گه سبب بوله‌دی.
مملکت معارف وزیرلیگی‌نینگ سرپرستی میرویس بلخی‌نینگ ایتیشیچه، اوقیتووچی‌لرنینگ کم‌لیگی مذکور وزارت ده بولگن اساسی قینچیلیکلردن دیر. اونینگ ایتیشیچه جاری ییلده اداره‌لر گه اصلاحات کیلتیریش کمیسیون همکارلیگی اساسیده خالی بولگن 13 مینگ بست‌نی اعلان گه قویگنلر.
اداره‌لر گه اصلاحات کیلتیریش ایرکین کمیسیونی‌نینگ باشلیغی نادر نادی‌نینگ ایتیشیچه، اوشبو لایحه‌گه سیاسی نفوذ و دخالت قیلیش زمنیه سی اورته‌دن ایلتیلگن و کامل صورتده تینق‌لیگ رعایت ایتیله‌دی.
اداره‌لر گه صلاحات کیلتیریش ایرکین کمیسیونی 8 آی آلدن مملکت 34 ولایتی‌ده دولتی 42 نهاد دن 17 مینگ بست‌نی ایرکین رقابت گه قویگن ایدی. اوشبو جمله دن 8 مینگ بست اوقیتووچی‌لیک بولیب و باشقه بست‌لر ایسه ملی خذمت‌لر گه تیگیشلی دیر.
