بوگون «پنج‌شنبه» فاریاب یشاوچیلریدن یوزلرچه‌سی بیر ییغین یولگه قوییب جمهور رئیس بیرینچی اورین باسری جنرال عبدالرشید دوستم مملکت‌گه قیتیشی‌نی ایسته‌گن‌لر.
اولر، فاریاب ولایتی‌نینگ خوفسیزلیگی تأمین‌لنیشی‌ده مرکزی حکومت‌نینگ دقت‌سیزلیک‌که عیب‌لب آگاه‌لنتیریشیچه، حکومت «فاشیستی» سیاست‌لرینی یکونلنتیرمه‌ی و جنرال دوستم‌نینگ قیتیشی‌گه زمینه یره‌تمه‌گن صورتده، ملی قیام گه قول اوره‌دیلر.
اوشبو ییغین اشتراکچی‌لریدن بیری جمال‌ناصر فرهمندنینگ ایتیشیچه، فاریاب ناتینچ‌لیک‌لری نتیجه‌سیده کونده اونلرچه کیشی هلاک ایتیله‌دی، بیراق حکومت بو ولایت گه هیچ دقت قیلمه‌یدی.
.jpg)
اعتراضچی‌لردن باشقه بیری کنشکا ترکستانی‌نینگ ایتیشیچه، دوستم بولمه‌گن صورتده، افغانستانده تینچ‌لیک تأمین‌لنمه‌یدی و حکومت شرط‌سیز اونینگ قیتیشی‌گه زمینه یره‌تیشی کیره‌ک.
بیراق، فاریاب ملی خوفسیزلیک اداره‌سی بیر خبرنامه ترقه‌تیب ایتیشیچه، بو ییغین جنبش حزبی تامانیدن یولگه قوییلگن و اهالی بیلن اوقووچی‌لر زوردن بو ییغینده اشتراک قیلگن‌لر.
