فاریاب امنیتی رسمی‌لری‌نینگ ایتیشیچه، اوتگن کون فاریاب ولایتی‌نینگ شیرین‌تگاب تومنیده محلی بیر قومندان طالب‌لر تامانیدن اولدیریلگن.
اولرگه کوره، طالب‌لر اونینگ جسدی‌نی موترگه باغلب ییرگه تارتگن و اوندن سونگ، تاش کومدی قیلگن.
بو خبرنی تصدیق‌لگن فاریاب پولیس قومندانلیگی سوزلاوچیسی عبدالکریم یورش‌نینگ ایتیشیچه، اوشبو ملا کرم آتلی قومندان اوتگن کون طالب‌لرنینگ پیستیرمه‌سیده هلاک ایتیلگن و شونینگدیک، بو واقعه‌ده بیر اوغلی و ایکی کیاوی یره‌لنگن.
مذکور محلی قومندان‌نینگ عایله‌سی دولت‌دن تنقید قیلیب ایتیشیچه، ملا کرم دولت‌دن دفاع قیله‌من دیب شهید بولگن؛ لیکن دولت اونینگ جسدی‌نی آلیش اوچون هیچ قنده‌ی سعی و حرکت قیلمه‌گن.
