بوگون «سهشنبه» کابلده خبری ییغین اوتکزگن افغانستان سیلاولرینی کوزهتووچی اداره، سیلاولر تنیق و وقتی بیلن یولگه قوییلمهسی توغریسیده خواطر بیلدیرگن.
اوشبو اداره مسؤوللری، امنیتی وضعیت یمانلشگنی، سیاسی قیینچیلیکلر و سیلاولر ایرکین کمیسیونینینگ ایش سیزلیکلریدن خواطر بیلدیریب ایتیشیچه، حاضرگی وضعیتگه قرهگنده سیلاولر تنیق و وقتی بیلن یولگه قوییلمهیدی.
افغانستان سیلاولرینی کوزهتووچی اداره یا-ده ایتوا اورین باسری شاه محمود ملنینگ ایتیشیچه، سیلاولرگه اصلاحات کیریتیش خصوصیده، حکومتنینگ حرکتی بوتونلهی سیاسی و مسلکسیزلیک دیر.
مل گه کوره، شونینگدیک سیاستچیلردن بیرقطاری، سیلاولر جریانی گه یاردم بیرمهیدی.
اونینگ کوپهیتیریشیچه، سیاستچیلر باشقه موضوعلر توغریسیده بیر فکر بولمهگنده هم، سیلاولر توغریسیده بیرلهشیب و سیلاولر آرتده قالمهسی توغریسیده سعی و حرکت قیلیشلری کیرهک.
افغانستان سیلاولرینی کوزهتووچی اداره اعضاسی حبیبالله شینوارینینگ ایتیشیچه، اولرنینگ تیکشیروولری گه قرهگنده، ناتینچلیکلر باعث، 38 تومنده سیلاو یولگه قوییلمهیدی.
شینواری گه کوره، مذکور تومنلرگه حاضرگهقدر سیلاو موادلری یوباریلمهگن.
بیراق، سیلاولر ایرکین کمیسیونینینگ اداری و مالی اورین باسری معاذالله دولتینینگ ایتیشیچه، اولر امنیتی ادارهلر بیلن اویغونلیکده سیلاولرنی تنیق شکلده وقتی بیلن یولگه قوییشی توغریسیده سعی و حرکت قیلهدیلر.
دولتی گه کوره، بو دور سیلاوی سابق دور سیلاولریدن فرقلی بولهدی؛ چونکه سیلاولر کمیسیونی آواز بیرووچیلرنینگ رویخطینی تیارلب و بو سیلاونی تنیق شکلده یولگه قویهدی.
شونینگدیک، او سیلاولر وقتیده یولگه قوییلیشی اوچون فنی تیارگرلیکلر آلینگنی توغریسیده ایشانچ بیرهدی.
سیلاولرنی کوزهتووچی اداره مسؤوللرینینگ ایتیشیچه، سیلاولر وقتی بیلن تنیق شکلده یولگه قوییلیشی اوچون حکومت برچه آواز بیرووچی مرکزلرنینگ خوفسیزلیگینی تأمینلشی کیرهک. شونینگدیک، حربیلر، قاچقینلر، شرایطگه ماس کیشیلر و مملکتدن تشقری سیاسی نمایندهلیکلرنینگ ایشلاوچیلری رویخطگه آلینیشی توغریسیده، زمینه یرهتیلیشی لازم.
