افغانستان نمایندهلر کینگشی بیر شرطنامه صادر قیلیب آمریکا ایلچیخانهسی بیتالمقدس گه انتقال بیریلگنی و اسرائیل آرقهلی فلسطین خلقی اولدیریلیشینی قارهلهدی.
آمریکا ایلچیخانهسی تلآویو دن بیتالمقدس (اورشلیم) انتقال بیریلگن کونیده، فلسطینلیکلردن مینگلرچهسی غزه ده ناراضیلیککه قول اورگنلر، بیراق بو ناراضیلیکلرگه اوق بیلن جواب بیریلدی و نتیجهده اعتراضچیلردن 50 تهسی هلاک و 2 مینگدن آرتیغی یرهلنگن.
عین حالده، 30- مارچ دن حاضرگهقدر نوار غزه ده فلسطینلیکلردن 85 دن آرتیق کیشی هلاک ایتیلگن. اولر شونچه مدتده منطقهلریگه قیتیش اوچون ناراضیلیککه قول اورگنلر.
نمایندهلر کینگشینینگ شرطنامهسیده اسرائیلنینگ بو حرکتینی بشریت گه قرشی دیب و اسلامی مملکتلردن اسرائیلنینگ حرکتی برابریده عملی ایش قیلیشلرینی سورهگن.
اوشبو شرطنامهده، اسرائیلنینگ اشغالگرلیک حرکتی برابریده انسان حقلری خلق ارا تشکیلاتلری و مملکتلر تینچ توریشگه عیبلنگن. نمایندهلر کینگشی، فلسطین خلقینینگ برابریده اسرائیلنینگ بو ایشینی ترورچیلیک بیلیب و فلسطین خلقیدن افغانستان اهالیسینینگ حمایتینی بیلدیرگن.
افغانستان نمایندهلر کینگشی، اسلامی مملکتلرنینگ باشلیغلریدن اسرائیل گه قرشی جدی موضوعلرینی معلوم قیلیشلرینی سورهدی. نمایندهلر کینگشی اعضالری، اسرائیل رژیمی تامانیدن فلسطین خلقی اولدیریلیشی تیکشیریلیشی و بشریت گه قرشی جنایتچیلر قولگه آلینیشینی طلب قیلگن.
آمریکا قوشمه ایالتلرینینگ جمهور رئیسی دونالد ترامپ، اوتگن ییل 6- دسمبرده رسمی شکلده بیتالمقدس نی اسرائیلنینگ باشکینتی صفتیده تانیدی و آمریکا ایلچیخانهسی تلآویو دن انتقال بیریلیشی گه بویروغ بیردی. بو قرار دنیا عکسالعملی گه سبب بولدی و بو عکسالعمل اوتگن هفته آمریکا ایلچیخانه آچیلیش کونیده نیچه برابر بولیب و دنیا سیس چیقاریشی گه سبب بولدی.
شونینگدیک، انسان حقلری بوییچه فعالیت قیلهدیگن گروهلر، اوتگن هفته غزه چیگرهسیده اعتراضچیلرگه قرشی اسرائیلنینگ حربی حرکتی و زورهوانلیگینی قارهلگنلر و خلق ارا کیچیریم تشکیلاتی اونی «خلق ارا قانونلرنی شفقتسیزلیک بیلن نقض قیلیش» دیگن. شونینگدیک، بیرلشگن ملتلر تشکیلاتینینگ انسان حقلری کمیشنری زید رادالحسین، غزه چیگرهسیده یوز بیرگن زورهوانلیکلرنی «شوکلی» بیلیب ایتیشیچه، انسان حقلریگه قرشی زورهوانلیکلرنینگ عامللری بو توغریده جواب بیریشلری کیرهک.
