افغانستانده تینچلیک تأمینلنیشی خصوصیده سعی و حرکتلر دوامیده و ایچکی و تشقی ییغینلردن سونگ، بو مرته اروپا بیرلیگی «افغانستان مدنیتی، تینچلیک مدنیتی» نامیده سوزلشوو یولگه قوییب مملکتده تینچلیک تأمینلنیشی توغریسیده سعی و حرکت قیلماقده.
اوشبو سوزلشووده تینچلیک عالی کینگشی مصلحتچیسی عبدالحکیم مجاهدنینگ ایتیشیچه، افغانستان حکومتینینگ تینچلیک ایستهگی گه طالبلر ایجابی جواب بیرگن صورتده، اولرنینگ برچه ایستکلری مذاکره میزی ده بحث گه آلینهدی.
جناب مجاهدنینگ ایتیشیچه، اوتمیشلردن بویان تینچلیک عالی کینگشی قوراللی طالبلر بیلن مستقیم وغیر مستقیم شکلده علاقه قورگن و بو علاقهلر تیزلیکده نتیجه بیریشی ممکن.
تینچلیک عالی کینگشی مصلحتچیسی گه کوره، افغانستاندن تشقری و ایچکریدن طالبلرگه قرشی باسقین هیچ نتیجه بیرمهیدی و ایرکین سوزلشوولرگه زمینه یرهتیلیشی کیرهک.
اوشبو سوزلشووده اروپا بیرلیگی نمایندهسی پییر مایدوننینگ ایتیشیچه، افغانستان تینچلیک برنامهسی کینگ، تکرارسیز و جهانی دیر و اولر بو برنامهدن حمایت قیلهدی.
جناب مایدون گه کوره، کابل پروسه ییغینیده بیان ایتیلگن افغانستان حکومتینینگ تینچلیک ایستهگیدن نتیجه آلیش اوچون حاضر وقت دیر. شو یوزهدن، بو توغریده طالبلرنینگ تینچلیگینی رد توشونمس کیرهک.
افغانستان بوییچه اروپا بیرلیگی نمایندهسی سوزلرینی باشقه بولیمیده ایتیشیچه، اولر افغانستان جمهورلیک ریاستی، ولایتی کینگش و تومنلر کینگشی سیلاولریده همکارلیک قیلیشگه تیار دیر و افغانستانده یولگه قوییلهدیگن کیلهجک سیلاو اوچون 30 میلیون یورو دن آرتیق پول اجرهتگنلر.
عینحالده، تاشکینت ییغینیده اروپا بیرلیگی خاص نمایندهسی فدریکا موگرینینینگ ایتیشیچه، افغانستان تینچلیک ایستهگی گه طالبان گروهی ایجابی جواب بیرگن صورتده، بیرلشگن ملتلر تشکیلاتینینگ قاره رویخطیدن چیقاریلیشی ممکن.
