سلام‌وطندارگه صحبت بیرگن افغانستان اسلامی جمعیت حزبی‌نینگ ییریک اعضاسی و افغانستان‌نی قوتقریش ائتلاف اعضالریدن بیری محیی‌الدین مهدی‌نینگ ایتیشیچه، افغانستان خلقی‌نینگ تشکیلاتی، افغانستان ینگی جبهه‌سی، برقرارلیک و سقلش کینگشی و افغانستان‌نی قوتقریش ائتلاف اشتراکیده «ائتلاف بزرگ ملی» نامی‌ده سیاسی بیر ائتلاف تشکیل ایتیله‌دی.
جناب مهدی گه کوره، افغانستان سیاستی ده سیلاولر تکتی صفتیده کیره‌دیگن ینگی ائتلاف ده عطامحمد نور، حاجی محمد محقق و جنرال عبدالرشید دوستم اساسی رول اوینه‌یدیلر.
برقرارلیک و سقلش کینگشی سوزلاوچیسی مسعود ترشتوال‌نینگ ایتیشیچه، مذکور کینگش سیاسی حرکت‌لر و جهادی شخصیت‌لر سوزلشماقده دیر، لیکن حاضرگه‌قدر برچه تامانیدن قبول قیلینگن مشخص بیر ائتلاف تشکیل ایتیلمه‌گن.
بیلیم یورت استادی اکرام عارفی‌نینگ ایشانچی گه کوره، حاضرگی ائتلاف‌لر کوپراق سیلاولر اوچون تشکیل ایتیله‌دی و سیلاولر تکتی صفتیده موجودیتی نی اعلان قیله‌دی. شو یوزه‌دن بونده‌ی ائتلاف‌لر تیزلیک‌ده ترقه‌لیب کیته‌دی و تشکیل ایتیلیشی‌گه قرار قیلینگن ائتلاف هم بو زیاندن بی‌نصیب قالمه‌یدی.
مذکور ائتلاف جمهور رییس‌نینگ بیرینچی اورین باسری و افغانستان‌نی قوتقریش ائتلاف اعضاسی جنرال عبدالرشید دوستم، نیچه آی اوزاقلیک‌دن سونگ، کیله‌جک هفته مملکت گه قیتیشی بیلدیریگن بیرچاغده، تشکیل ایتیله‌دی.
