تخار ولایتیده کوکچه اطرافیده‌گی تومنلرنینگ یشاوچیلری، مذکور تومنلرنینگ جادهسینی قیر قیلیش ایشی باشله‌نیشی‌نی سوره‌گن‌لر.
اوشبو جاده‌نی قیر قیلیش ایشی ایکی آی آلدین، ملی تدارکات کمیسیونی تامانیدن قراردادگه تاپشیریلگن، بیراق حاضرگچه ایشی باشلنمه‌گن. کوکچه اطرافیده‌گی تومنلرنینگ یشاوچیلرینی ایتیشیچه، اوشبو جاده حد دن تشقری بوزوقلیگی باعث، هفته ده نیچه کسل یول جریانیده هلاک بوله‌دی.
اولرنینگ آگاه‌لنتیریشیچه، اوشبو جاده‌نی ایشی تیزلیک‌ده حکومت تامانیدن باشلنمه‌گن صورتده، کینگ ناراضیلیک نمایش یولگه قوییش‌لری ممکن.
عین حالده، محلی مسؤوللر مذکور جاده‌نی قیر قیلیش ایشی تیزلیک‌ده باشله‌نیشیدن خبر بیره‌دیلر. تخار حاکمی سوزلاوچیسی سنت‌الله تیمورنینگ ایتیشیچه، محلی حکومت بو پروژه‌نی جدی شکلده تیکشیره‌دی.
ایکی آی آلدین، ملی تدارکات کمیته‌سی‌نینگ ایتیشیچه، دشت‌قلعه و خواجه‌بهاوالدین جادهسینی قیر قیلیش قراردادی فیض و الیاس آتی ایکی شرکت گه بیریلگن. مذکور جاده‌نی قیر قیلیش‌گه مسؤول شرکت‌لرنینگ مسؤوللریگه کوره، جاده‌نی ایشی باشله‌نیشی خصوصیده، حاضرگچه حکومت تامانیدن اولرگه رخصت بیریلمه‌گن.
