کابل شهری‌نینگ بیر چیکه‌سی، حضوری چمنی ده، ایکی هفته‌دن بویان مملکت یشاوچیلری ایریم منطقه‌لردن توپله‌نیب و ناراضیلیک خیمه قورگن‌لر.
اوتگن کیچه اوشبو اعتراضچی‌لرنینگ آره‌سیده پارتلش یوز بیردی و بو پارتلش نتیجه‌سیده، بیر کیشی هلاک و باشقه 15 کیشی یره‌لندی.
بوگون مدنی فعاللر شو توغریده اعتراض بیلدیریب ایتیشیچه، اوشبو پارتلش عاملی پاکستان دیر و دنیا جماعه‌چیلیگی دن مذکور مملکت‌نی ترورچی‌لرنینگ طرفداری صفتیده، قاره رویخط‌ده آلیشی‌نی سوره‌یدی.
بونگه قوشیمچه، اولر طالب‌لرنی آگاه‌لنتیریب تینچلیک اوچون ایجاد ایتیلگن فرصت‌دن فایده‌لنیشی و فایده‌لنمه‌گن صورتده، افغانستان اهالیسی اولرگه قرشی توریشلرینی بیلدیرگن.
عین حالده، ایکی آیدن بویان چیگره‌نی او تامانیده پاکستان یشاوچیلریدن یوزلرچه‌سی مذکور مملکت حکومتی‌گه قرشی اعتراض بیلدیریب ایتیشیچه، ییل‌لر بوییچه عایله اعضالری سبب سیز یوقالگن. کابل شهری‌نینگ حضوری چمنی‌ده خیمه تیککن اعتراضچی‌لرنینگ ایتیشیچه، بو اعتراض چیگره‌نی او تامانیده‌گی خلق دن حمایت قیلیش نیت‌ده یولگه قوییلگن.
