.jpg)
بامیان یشاوچیلریدن کوپینچه‌سی 30 ییل اوروش، ناتینچلیک، قشاقلیک و ایش‌سیزلیکلر سبب، قوشنی اولکه‌لر جمله‌دن ایران و پاکستان‌گه باش پناه ایزلب کیتگن‌لر. یول جریانیده قاچاقچی‌لر ایچکی و تشقی امنیتی ملازملر اولردن تورلی خیل منفعتلرنی قولگه کیلتیرش اوچون ایش آلگن‌لر. بیرقطار اولکه‌داشلر چاره‌سیزلیکلری سبب، جوده آغیر و یمان ایشلرنی‌هم قیلیش‌گه مجبور ایتیلگن.
بامیان‌ده‌گی ایشداشلریمیز ایکته اولکه‌داشیمیز حکایه‌سینی ایشیتگن.
محمد واثق ایش تاپیش اوچون ایکی قتله ایران کیتگن. ایکینچی قتله اوقیش و اورگه‌نیش‌دن بوتونلی قول یووگن. او سفر رنج و زحمتلریدن قصه قیله‌دی. او قنده‌ی قیلیب نیمروزگه انسان قاچاقبری آرقلی ساتیلگنی دن قصه قیله‌دی.
قاچاقبر واثق و یولداشلری بیلن نرسه‌لرکبی حرکت قیله‌دی و اونلب کیشینی بیر موترگه چپ و راست اولتیرغزه‌دی.
واثق یلغوز ایمس، بامیان اونلب یشاوچیسی اوبیلن بیرگه ایران و پاکستان کینگن. بامیان‌نینگ یکاولنگ تومنی یشاوچیسی صادع 17ییلنی پاکستانده اوتکزگن. او پاکستان امنیتی کوچلری و پولیسی‌دن قتیغ شکایت‌ده او هیچ مهاجر پولیس‌گه رشوت بیرمس‌دن اولرقولیدن اوزینی قوتغزیش‌گه قادر ایمس دیدی.
.jpg)
صادع گه کوره، پاکستان حکومتی وعده‌لریگه قرشی میلیاردلب دالر آلیشی بیلن مهاجرلرگه هیچ قنده‌ی کمک قیلمیدی.
بیرقطار اولکه گه قیتیب کیلگنلر افغانستان حکومتی تمانیدن خوش قرشیلنیشلری‌گه ایشانمیدیلر، مهاجرلر قیتگندن کیین بیرقنچه توهین و تحقیرلرگه دوچ کیلیشینی ایته‌دیلر.
بشرحقلریدن مدافعه ایتووچی تشکیلاتلر اولکه تشقریسیده هم و ایچکریسیده هم مهاجرلر بیلن خلق‌ارا قانونلرگه قرشی یانده‌شیلیشی‌نی بیلدیرگن.
اسماعیل ذکی، بامیان مهاجرلری یوللرده تورلی طریقه بیلن بهره آلینیشلرینی ایته‌دی. ذکی بیرلشگن ملت‌لرتشکیلاتی یاردمیده هیچ پیت دواملی صورتده بامیان مهاجرلریگه ییتمه‌گنینی ایتماقده.
بیراق بامیان قاچقین‌لر رییسی عزیزالله امین‌یار، یشاوچیلر مهاجرلیک قانونلریدن آگاه‌سیزلیکلری اولرنینگ برابریده‌گی کته قیینچلیک‌لردن ایکنینی معلوم قیلماقده.
انسان قاچاقی برابریده‌گی قانون اساسیده، دولت اولرنی آگاه‌لنتیریش‌ده مسؤول ایکنی و یشاوچیلرنینگ بدرغه‌لیک خصوصیده خبردار ایتیش‌ده برچه امکانات‌دن فایده‌لنیشینی اورغوله‌گن. بیراق کورینیشیچه تورلی خیل دلیل‌لر باعث، افغانستان حکومتی بوحقده عمل قیلمه‌گن.
