جوزجان ولایتی‌نینگ درزاب تومنی پولیس قومندانلیگی سرپرستی امان‌الله‌نینگ سلام‌وطندارگه ایتیشیچه، داعش گروهی‌نینگ ایچکی و چیت ایللیک جنگریلری سه‌شنبه کون مذکور تومن‌نینگ مرکزی، ملی خوفسیزلیک قومندانلیگی و ملی حربی قومندانلیگی اوستیگه خودکش هجوم اویوشتیریش گه قصد قیلگن ایکن، لیکن امنیتی کوچلرنینگ قرشی هجومی نتیجه‌سیده، اولرنینگ عملیاتی دفع ایتیلگن.
درزاب تومنی‌نینگ پولیس قومندانلیگی سرپرستی‌گه کوره، امنیتی کوچلر تامانیدن داعش گروهی اوستیگه اویوشتیریلگن هجوم نتیجه‌سیده، مذکور گروه‌نینگ خودکش ییلک‌لری پارتله‌گن و بو پارتلش‌لر نتیجه‌سیده، داعش جنگریلریدن 27 ته‌سی هلاک ایتیلگن. اونینگ کوپه‌یتیریشیچه، داعش گروهی‌نینگ هلاک بولگن جنگریلریدن 10 ته‌سی اوزبیکستانلیک فقرا، 6 ته‌سی تاجیکستانلیک فقرا و باشقه 2 ته‌سی فرانسویلیک فقرا بولگن.
درزاب پولیس قومندانلیگی سرپرستی‌نینگ کوپه‌یتیریشیچه، حاضر داعش گروهی مذکور تومن‌نینگ 200 کیلومترلیگی‌ده ییتیشگن و بو تومن‌نینگ مرکزی‌گه باشقه بیر هجوم اویوشتیریش‌گه قصد قیلگن.
شونینگ‌دیک، واقعه گواه‌لریدن بیری‌نینگ سلام‌وطندارگه ایتیشیچه، داعش گروهی‌نینگ ایچکی و چیت ایللیک جنگریلری، اوزلری‌نینگ خودکش ییلک‌لری پارتلشی نتیجه‌سیده هلاک ایتیلگن‌لر.
داعش گروهی حاضرگچه بو توغریده هیچ نرسه دیمه‌گن.
