سلاموطندارگه صحبت بیرگن فراه ولایت کینگشی اعضاسی دادالله قانع نینگ ایتیشیچه، اوتگن کیچه بالابلوک تومنینینگ گنسک قیشلاغیده حربی کوچلرنینگ بیر پوستهسی اوستیگه طالبلر هجوم قیلگن و بو هجوم ده مذکور پوستهنی 20 دن آرتیق عسکری طالبلر تامانیدن اولدیریلگن.
جناب قانع گه کوره، بیرینچیدن طالبلر کیچه کورووچی قورال بیلن مذکور پوستهنینگ قوروقچیلرینی آتگن و اوندن سونگ، پوسته گه کیریب برچه عسکرنی اوققه توتگن.
جناب قانع نینگ ایتیشیچه، طالبلر پوسته عسکرلرینی اولدیرگندن سونگ، اولرنینگ حربی جهازلرینی آلیب و پوستهنی اوتگه یاندیرگن.
عین حالده، فراه حاکمی عبدالبصیر سالنگی، پوسته اوستیگه طالبلر تامانیدن اویوشتیریلگن هجومنی تصدیقلیدی، بیراق ایتیشیچه، هلاک ایتیلگنلرنینگ رقمی 20 کیشی دن آز دیر.
لیکن، طالبلرنینگ ایتیشیچه، 20 عسکرنی اولدیریب و اولرنینگ 10 میل قورال اسلحهسینی اوزلری بیلن آلیب کیتگن.
شونینگدیک، 4 کون آلدین، مذکور ولایتده 3 پوسته اوستیگه طالبلر تامانیدن اویوشتیریلگن هجومده امنیتی کوچلردن 22 تهسی هلاک ایتیلگن ایدی.
