جمهور رییس بیرینچی اورین باسری جنرال عبدالرشید دوستمنینگ ایتیشیچه، او بولمسه طالبلر بیلن تینچلیک بولمهیدی. اونگه کوره، حکومت رهبرلری آرهسیده تینچلیک بولمهگن صورتده، افغانستانده تینچلیک تأمینلنمهیدی.
باشکینت کابلده جایلشگن بابر باغیده ترک-اوزبیکلرنینگ سرکرده سیاستچیسی، یازووچی و شاعری امیرعلی شیر نوایینینگ توغیلگن کونینی 577- ییللیگیدن نشانلش مراسمده جنرال دوستم تلیفون علاقه قوریب مملکت خوفسیزلیگی و تینچلیک مذاکره ده اوزینینگ رولی اوستیگه تأکیدلب و کوپهیتیریشیچه، مین بولمهگنده کیمسه حتا تینچلیک عالی کینگشی طالبلر بیلن مذاکره قیله آلمهیدی. جنرال دوستمنینگ ایتیشیچه، او طالبان گروهینینگ ییریک رهبرلرینی مذاکره میزیگه تارته آلهدی. اونینگ کوپهیتیریشیچه، حاضر افغانستانده سابق دن کوره آرتیق رول اوینهیدی.
جنرال دوستم اوتکزگن نیچه مذاکره تجربهسیگه اوستیگه تأکیدلب کوپهیتیریشیچه، تینچلیککه ایریشیش اوچون دستلب مملکت رهبرلری اوز ارا تینچلیک قیلیب و جنجللردن وازکیچیشلری کیرهک. او، نمونه شکلده سونگی کونلرده جمهورلیک ریاستی و عطامحمد نور آرهسیدهگی جنجللرگه اشاره قیلدی.
جمهور رییس بیرینچی اورین باسری، افغانستاننی قوتقریش اوچون تشکیل ایتیلگن ایتلافنی توغری و بجا بیلیب اورغولشیچه، کیلهجک سیلاوده کینگ رول اوینهیدی.
