.jpg)
دوشنبه کون مالدیو جمهور رییسی عبدالله یامین، اوشبو مملکت‌ده شاشیلینچ وضعیت اعلان قیلدی و امنیتی کوچلرگه سابق جمهور رییس و عالی محکمه اعضاسی قولگه آلینیشی اوچون بویروغ بیردی.
سه‌شنبه کون مالدیو پولیسی عالی محکمه‌نینگ ییریک قاضی‌سی و باشقه قاضی‌لرنی قولگه آلگن. اوشبو قاضی‌لرگه قرشی عیب‌لاولر توغریسیده حاضرگچه هیچ بیر معلومات ترقه تیلمه‌گن.
اوتگن «جمعه» کون مالدیو عالی محکمه‌سی بیر حکم صادر ایتیب و مذکور مملکت سابق جمهور رییسی محمد نشید محکمه‌سی اساسی قانون گه قرشی دیگن. مالدیونینگ بیرینچی جمهور رییسی جناب نشید، دموکراتیک شکلده تنلنگن.
.jpg)
مالدیو سابق جمهور رییسی محمد نشید، میلادی 2015- ییل مارچ آیی‌ده ترورچیلیک‌که عیب‌لنیب 13 ییل حبس‌گه محکوم بولدی و بو محکومیت بیرلشگن ملت‌لر تشکیلاتی‌نینگ نظریده سیاسی انگیزه بولگن.
محمد نشیدگه قرشی عیب‌لاولر عالی محکمه تامانیدن رد ایتیلگنیدن سونگ، مالدیو ده ینگی سیاسی قیین‌چیلیک‌لر باشلندی.
یکشنبه کون مالدیو باش قاره‌لاوچیلیگی، اقیانوس هند مملکت‌لریده ثبات سیزلیک‌لر کوپه‌یگنی توغریسیده آگاه‌لنتیریب ایتیشیچه، حبس‌ده بولگن اپوزیسیون باشلیغ‌لری قوییب یوباریلیشی اوچون محکمه حکمی‌گه تَن بیرمه‌گن عبدالله یامین‌نینگ استیضاح قیلیش اوچون باش محکمه سعی و حرکت قیله‌دی.
