هرات زعفران ایکووچیلریدن بیرقطاری زعفران بهاسی 50 فایز قویی توشگنی‌دن خواطربیلدیریب، اوتگن ییل هرات بازارلریده بیرکیلوکیفیتلی زعفران 110 مینگ افغانی بولیب، بیراق بوییل ایسه زعفران هرکیلوسی 50 و 60 مینگ افغانی گه یینگنینی ایته‌دیلر.
هرات زعفران ایکووچیلری، زعفران بهاسی قویی یینگنی‌گه سبب، ایراندن کیله یاتگن کیفیت سیز نرخی ارزان زعفرانلربولگنینی معلوم قیلیب، مملکت زعفرانی تشقی مملکت لرده صادربولمسلیگینی اوغولهماقدهلر.
هرات‌ده‌گی بیرقطار زعفران ایکوچیلری جاری ییلده زعفران حاصلاتی یوکسلگنیدن خورسندلیک بیلدیریب، بیراق زعفران بهاسی آزیگنی اولرنی قیینه‌گنینی معلوم قیله‌دیلر.
افغانستان زعفران ایکوچیلر جمغرمه‌سی‌نینگ مسؤولی بشیراحمداحمدی هم جاری ییلده زعفران بهاسی کمیگنیدن تشویش بیلدیرماقده.
بیراق هرات صنعت وسوداگرلیک اتاقی‌نینگ مدیری غلام جیلانی حمیدی‌نینگ ایتیشچه٬ جاری ییلده مذکوراداره مملکت‌دن تشقری‌ده یخشی بازارتاپیش و چین‌گه هم زعفران صادر ایتیلیشی اوچون سعی وحرکت لردوامی بارلیگینی ایتگن.
شونینگدیک بیرقطارایش بیلرمانلر زعفران صنعتی‌نینگ رواجلنتیریش اوچون یخشی ریجه بولمه‌گنی‌دن تنقید قیلیب، حکومت دن بو توغریده جدی شکلده اقدام قیلیشلرینی سوره گنلر.
بوییل هرات‌ده زعفران حاصلاتی8 تْن گه ییتیشگنی بیلن هم اونینگ بهاسی قویی توشگنی دهقانلرنی تشویش‌گه سالگن.
