.jpg)
د افغانستان کرېکټبورډ عمومي مشر عزیزالله فضلي نن د یوې خبري غونډې پرمهال پهخپلې ادارې کې د بېلابېلو بدلونونو خبر ورکړ.
ښاغلي فضلي په خبري غونډې کې وویل چې په ادارو کې بدلونونه اصل وي او د چارو د ښهوالي لهپاره یې د ځېنو پوسټونو کسانو کې بدلونونه راوستي دي.
د ده په خبره، لهدې وروسته به په کرېکټبورډ کې د غوراوي کمېټې مشري د نوروزمنګل پرځای پخوانی توپاچوونکي دولت احمدزې په غاړه وي.
د نوروزمنګل په ګوښه کولو سره د نوموړي دواړي ملګري او د یادې کمېټې غړي وليامین او احمدشاه احمدي هم له دندو لېرې شوي او پر ځای یې دوه نور پخواني لوبغاړي ګومارل شويدي.
د ترلاسه شویو معلوماتو لهمخې، د ملي لوبډلې پخوانی لوبغاړی پاچاحسین او همداراز د کرېکټ ملي لوبډلې (ویډیو انلیسټ) اسدالله خان بیا د غوراوي کمېټې غړي ټاکل شويدي.
.jpg)
د غوراوي کمېټې نوی ګومارل شوی مشر دولت احمدزی مخکې هم د افغانستان په غوراوي کمېټه کې کار کړی او اوسمهال د افغانستان ۱۹ کلنې کرېکټ لوبډلې روزونکې و.
د نوروزمنګل د بلې دندې په اړه تر اوسه څه نهدي ویل شوي.
احمدشاه احمدي او وليامین د اللهداد نوري په مشرۍ د انظباطي (ډېسیپلین کمېټې) د غړیو په توګه ګومارل شويدي.
د ترلاسه شویو معلوماتو لهمخې، پخواني چیف سیلیکټر نوروزمنګل ته لا هم د کرېکټ ملي لوبډلې د لوبغاړي امتیازات ورکول کېدل؛ خو د دولت احمدزي د امتیازاتو په اړه څه نهدي ویل شوي.
دغه راز بشیرستانکزي هم خپله دنده له لاسه ورکړې؛ ځکه عمومي مشر د (کرېکټ ډایرېکټر) دنده له منځه وړې ده او هم شیراغا همکار بیا د کرېکټ ملي لوبډلې د منیجرۍ له دندې ګوښه شوی؛ خو ځای ناستي یې نهدي اعلان شوي.
همدارنګه د شویو پرېکړو لهمخې، د امو زون پخوانی مسوول نورعالم فرید چې د پخواني مشرعاطف مشعل لهخوا له دندی ګوښه شویو او پر ځای یې خالقداد نوري ټاکل شویو؛ بېرته د یاد زون د مشر په توګه ګومارل شویدی.
.jpg)
دا لا معلومه نهده چې د کرېکټ ملي لوبډلې پخواني الراونډر خالقداد نوري ته به په کرېکټبورډ کې کومه نوې دنده وسپارل شي او که به د ۱۹ کلنې لوبډلې روزنې ته ادامه ورکړي.
د کرېکټبورډ عمومي مشر په خپلو خبرو کې وویل چې اړینه وه چې په اداره کې بدلونونه راغلي وو او د ادارې او کرېکټ د ښهوالي لهپاره به راتلونکې کې نور بدلونونه هم راشي او هر څوک چې په کومه برخه کې وړتیا لري؛ په دندو به وګومارل شي.
د عزیزالله فضلي په وینا، افغان کرېکټ ملي لوبډله په مخکې د ۲۰۱۹ کال پنځوس اوریز کرېکټ نړېوال جام لري او دوی به هڅه وکړي چې نه یوازې دغه جام ته پیاوړې لوبډله وټاکي؛ بلکې ترڅنګ ښه تیاری به ونیسي.
