غزني ښار کې د ګیرو ولسوالۍ قومي مشران سلاموطندار ته وايي، طالبانو تېره ورځ دې ولسوالۍ کې تر خپلې ولکې لاندې سیمو کې د ۱۸ ښوونځیو امران، ښوونکي او صفاکاران راټول کړي او له ۱۲۰ نه تر ۱۵۰ پورې ښوونکي یې پهدې دلیل یرغمل کړي چې د کابلبانک له لوري یې خپلې تنخواوې ترلاسه کولې.
د ګیرو ولسوالۍ دوه قومي مشران مولوی محمد اسماعیل او نادر خان گیرووال وايي، طالبانو لهدې مخکې هم د ګیرو ولسوالۍ ښوونکیو ته خبرداری ورکړیو چې خپلې تنخواوې د بانک له لارې نه بلکې د معتمدینو د حوالې له لارې ترلاسه کړي.
دغه قومي مشران وايي، د دې ښوونکیو خوشې کولو لهپاره دولت تر اوسه پورې هېڅ کوم کار نهدی کړی او د قومي مشرانو او دیني علماوو هڅو هم پایله نهده ورکړې.
خو د غزني د پوهنې رییس محبالرحمان انصار تاییدوي چې د دې ولسوالۍ ښوونکي چې څو میاشتنۍ تنخواوې یې د بانک له لارې ترلاسه کړي؛ د طالبانو له لوري استجواب شوي او اوس د ښوونکیو په استازیتوب پنځه ښوونکي طالبانو سره دي چې د ستونزې هواري لهپاره ورسره خبرې وکړي.
همداراز د غزني والي ویاند محمدعارف نوري هم وايي، طالبان د دې ولایت ناامنو سیمو کې د ښوونځیو په ښوونکیو فشار راوستلو سره هڅه کوي چې د هغوی له تنخواوو پیسې ترلاسه کړي.
د غزني ولایتي شورا غړیو په وینا، د قرهباغ، اندړ او یو شمېر نورو ناامنو ولسوالیو ښوونځيو کارکوونکیو د طالبانو ګواښوونو له امله، د سږ کال ۶ میاشتو کې خپلې تنخواوې نهدي ترلاسه کړي.
