.png)
د افغانستان د سولې ځوانو سفیرانو ۴ کسیزې ډلې نن له کابله د سایکل پهواسطه په افغانستان کې د دایمي سولې د راتګ غږ اوچتولو او د سولې پیغام رسولو په موخه فرانسې ته خپل ټولنیز او کلتوري خوځښت پیل کړ.
دې ډله کې ۲ ښځې او ۲ نارینه دي چې ټاکل شوېوه د کابل د هنګرا څلور لارې یې د صحتعامې څلور لارې پورې له ۳۰ نورو سایکل ځغلوونکیو سره سیالۍ کړې وی؛ خو د دوی دغه سیالۍ د امنیتي چارواکیو سره د همغږۍ نهلرلو له کبله لغوه شوې.
د سیالیو د مسوولانو په وینا، د سولې ځوانو سفیرانو څلور کسیزه لوبډله به د سایکل پهواسطه له ۸ هېوادونو تېره شي او په ۹م هېواد (فرانسې) کې به خپل سفر پای ته ورسوي.
.png)
ویل کېږي چې د سولې دغه ځوان سفیران به د تاجکستان، ترکمنستان، قزاقستان، روسیې، بیلاروس، پولینډ او جرمني له لارې فرانسې ته ورسېږي.
د ورکړل شویو معلوماتو لهمخې، د افغانستان د سولې ځوانو سفیرانو ډلې سره به په هر تېرېدونکي هېواد کې یوه ښځینه او یو نارینه سایکل ځغلوونکی سفیر هم ملګری کېږي او دا سفر به د ۲۰کسیزې ډلې په ملتیا پای ته رسوي.
ویل کېږي چې ټاکل شوېده، دغه ۲۰ کسیزه ډله به فرانسې ته په رسېدو نړیوالو ته د سولې پیغام ورسوي.
