د فاریاب په کوهستان ولسوالي کې محلي چارواکي وايي چې طالبانو یاده سیمه کې یوه نجلۍ وژلې ده.
د کوهستان ولسوالي امنیه قوماندان محمدناصر خان د دغه خبر د تایید ترڅنګ سلاموطندار ته ویلي چې طالب وسلهوالو څو ورځې وړاندې د دغې ولسوالي په لاشي سیمه کې یوه نجلۍ وژلې ده. د نوموړي په وینا، طالبانو د یادې نجلۍ جسد دوه ورځې پټ کړی و او تازه یې په یوه باغ کې غورځولی دی.
هغه وايي، «لاشي» سیمه د طالبانو په واک کې ده او په وینا یې، تراوسه د یادې پېښې لامل او انګېزه نه دي روښانه شوي.
وسلهوالو طالبانو هم تراوسه په دې اړه رسنیو ته څه نه دي ویلي.
