د تخار د پولیسو ویاند خلیل اسیر سلاموطندار ته ویلي چې وسلهوالو طالبانو بېګاه ۱۱ بجې د دغه ولایت په خواجهغار ولسوالي کې د هوا پېژندنې په نوم پر امنیتي پوستې برید کړی دی.
د نوموړي په وینا، په یاد برید کې د محلي اردو ۱۶ سرتېري او دوه پولهساتي ځواکونه وژل شوي او ۳ نور ټپیان دي.
اسیر وايي، یاده نښته سیمې ته د مرستندویه ځواکونو له رسېدو سره سم وروسته له درېوو ساعتونو پای ته ورسېده.
د تخار د پولیسو ویاند وايي، په برید کې طالبانو ته هم مرګژوبله اوښتې، خو په اړه یې جزیات نه ورکوي.
د تخار په خواجهغار ولسوالي کې محلي سرچینو سلاموطندار ته ویلي چې د درې امنیتي سرتېرو جسدونه ورک دي.
دغه سرچینې وايي، په یاده پوسته کې د تېز غبرګون او د محلي اردو سرتېري ځای پر ځای شوي دي.
د یادونې ده چې دوه اوونۍ وړاندې په خواجهغار ولسوالي کې د طالبانو په یوه برید کې ۱۳ پولیس ووژل شول او ۱۳ نور ټپیان شول.
