افغانستان جمهورلیک ریاست سوزلاوچیسی صدیق صدیقی، ارگ ایشلاوچیلریدن یالغیز 20 کیشی کرونا ویروس گه چلینگنینی تصدیقلهدی. بوگون ایرتهلب جمهورلیک ریاست سرایی دن بیر منبع نینگ سلاموطندارگه ایتیشیچه، جمهورلیک ریاست سرایی، اداری ایشلر ادارهسی و ملی خوفسیزلیک کینگشی نینگ ایشلاوچیلریدن 40 کیشی کرونا ویروس گه چلینگن.
شونینگدیک، ساغلیقنی سقلش وزیرلیگی سوزلاوچیسی وحیدالله مایار، ارگ ایشلاوچیلریدن 20 کیشی کروناگه چلینگنینی تصدیقلهدی. جناب مایارنینگ چلینگنلرنی آتلری فاش ایتیلیشی توغریسیده ایتیشیچه، داکترلیک اخلاقی کسل نینگ رضایتی بولمهگنده معلوماتینی شریک قیلیش گه رخصت بیرمهیدی.
بوگون «دوشنبه، 1- ثور» کابلده خبری ییغین اوتکزگن ساغلیقنی سقلش وزیرلیگی سوزلاوچیسی وحیدالله مایارنینگ ایتیشیچه، اوتگن 24 ساعت جریانیده مملکت نینگ بیش ولایتیده کرونا ویروسی دن باشقه 30 ایجابی واقعه رویخط گه آلینگن. اونگه کوره، ینگیلیکده رویخط گه آلینگن واقعهلردن 15 تهسی کابل ده، 6 تهسی هرات ده، 4 تهسی کنر ده، 4 تهسی لغمان ده و 1 تهسی ننگرهار ده قید ایتیلگن.
اوتگن 24 ساعت جریانیده رویخط گه آلینگن 30 واقعه شامل مملکت ده کرونا ویروسی گه چلینگنلرنینگ رقمی 1026 کیشی گه ییتیشگن.
