جمهورلیک ریاست سوزلاوچیسی صدیق صدیقی نینگ ایتیشیچه، جمهور رئیس غنی و تورموش اورتاغی رولا غنی دن کرونا ویروس سیناوی آلینگن و اولرنینگ سیناولرینی نتیجه‌سی سلبی تشخیص بولگن.
صدیق صدیقی نینگ اوز توییتر صحیفه‌سیده یازیشیچه، بو سیناولر جمهور رئیس و بیرینچی بانو نینگ ایسته‌گی بیلن عمل‌گه آشیریلگن.
جمهورلیک ریاست سوزلاوچیسی نینگ کوپه‌یتیریشیچه، جمهور رئیس محمداشرف غنی ساغلام دیر و دولت نینگ سعی و حرکت‌لرینی نیچه جبهه ده مدیریت قیله‌دی. اونگه کوره، جمهور رئیس غنی نینگ ساغلیگی اوچون ییترلیچه تدبیر آلینگن.
شونده‌ی بیرحالده، اوتگن کون افغانستان جمهورلیک ریاست سرایی‌دن بولگن بیر منبع سلام‌وطندارگه جمهورلیک ریاست سرایی، اداری ایش‌لر اداره‌سی و ملی خوفسیزلیک کینگشی نینگ ایشلاوچی‌لریدن 40 کیشی کرونا ویروس گه چلینگنینی ایتگن ایدی.
شونینگدیک، بوندن آلدین نیویارک تایمز تامانیدن بیریلگن گزارش‌ده افغانستان جمهورلیک ریاست سرایی نینگ ایشلاوچی‌لریدن 40 ته‌سی نینگ کرونا ویروس توغریسیده بیرگن سیناوی مثبت بولگنی ایتیلگن.
نیویارک تایمز، سونگی کونلرده جمهور رئیس غنی نینگ غیابت سببی‌نی جمهورلیک ریاست سرایی و اداری ایش‌لر اداره‌سی نینگ ایشلاوچی‌لری کرونا ویروس گه چلینگنی دیگن.
باشقه بیرتاماندن فرانسه‌لیک خبری آژانس افغانستانلیک بیر رسمی دن نقل قیلیب جمهور رئیس غنی گه یقین ایشلاوچی‌لردن 20 ته‌سی کرونا ویروس گه چلینگنینی ایتگن ایدی.
شونینگدیک، گاردین خبرچیسی هم افغانستان جمهور رئیسی سیناوگه حاضر بولمه‌گنینی بیلدیردی.
بیراق، اوتگن کون جمهورلیک ریاست سوزلاوچیسی صدیق صدیقی، ارگ ایشلاوچی‌لریدن یالغیز 20 کیشی کرونا ویروس گه چلینگنینی تصدیقله‌دی.
