افغانستان قماقخانهلرنینگ ایشلرینی نظارت قیلیش اداره مسووللری، قماقخانهلرده اداری فساد، جنسی زوروانلیک و مخدره ماده قاچاقی موجودلیگی دن خبر بیرگن.
اوتگن "سهشنبه" کونی افغانستان قماقخانهلرنینگ ایشلرینی نظارت قیلش اداره باشلیغی احمدراشد طوطاخیل نینگ خبر بیر ییغینده ایتیشیچه، نیچه ییلدن بویان محبوسلر آرهسیده مخدره ماده قاچاقی و مخدره ماده دن فایدهلنیش موجود دیر.
جناب طوطاخیل نینگ ایتیشیچه، قماقخانهلرنینگ ایشلاوچیلری قماقخانه ده مخدره ماده و تلفون انتقال بیرهدیلر و شونینگدیک، باشقه بولیملر اینقسه ییگولیک بولیمیده هم فساد موجود دیر.
اونینگ کوپهیتیریشیچه، ظرفیتسیزلیک، کسل محبوسلر و محبوسلرنینگ دوسیهلریگه دقت قیلینمهیش، کادری اصلاحاتلرنینگ عملگه آشیریلمهیشی و سیستم یوقلیگی قماقخانهلرده فساد نهادینه بولیشیگه سبب بولگن.
جناب طوطاخیل نینگ کوپهیتیریشیچه، قماقخانهلرده بولگن بیرقطار عیال ایشلاوچیلر، ایرکک ایشلاوچیلر تامانیدن جنسی زورلنهدی.
قماقخانهلرنینگ ایشلرینی نظارت قیلیش اداره باشلیغی نینگ ایتیشیچه، فسادگه قرشی کورهشیش و محبوسلرنینگ وضعیتینی یخشیلنتیریش اوچون اصلاحات کیریتیش لایحه باشلنهدی.
مذکور اداره مسووللری نینگ ایتیشیچه، حاضرگهقدر جمهور رییس نینگ فرمانی اساسیده 5500 محبوس کرونا ویروسیگه توسیق بولیش اوچون مملکت قماقخانهلریدن قوییب یوباریلگن.
