مملکت ده دوام ایتیب کیله‌یاتگن اوروش و کم‌بغل‌لیک باعث، تخار ولایتی نینگ مرکزی ده گنگ بولگن بیر آته ینگی دنیاگه کیلگن فرزندی نی عایله‌سی نینگ باشقه اعضالرینی توق سقلش اوچون مال کبی ساتیش گه مجبور بولگن.
تالقان شهری نینگ یشاوچیسی عبدالفتاح گپیره آلمه‌یدی. او و تورموش اورتاغی کم‌بغل‌لیک و جماعه نینگ مهرسیزلیگی باعث، ینگی دنیاگه کیلگن فرزندی نی عایله‌سی نینگ باشقه اعضالرینی توق سقلش اوچون 6 مینگ افغانی ساتگن.
ساتیلگن فرزندنینگ آنه‌سی کر بولگن و جوده هم آز گپیره‌دی. نیچه کون آلدین او اویی ده ایکی اوغیل باله دنیاگه کیلتیرگن و باشقه فرزندلری نینگ آچلیگی اونی یوره‌گی نینگ پارچه‌سینی ساتیش گه مجبور قیلگن.
اوشبو ینگی دنیاگه کیلگن باله نینگ ساتیلیش خبری نشر قیلینگنیدن سونگ، تخار ولایتی نینگ محلی مسؤوللری سلام‌وطندارگه بیرگن صحبت‌لریده باله نینگ ینه آنه نینگ بغری گه قیتریش‌لرینی ایتیشگن.
تخار حاکمی سوزلاوچیسی جواد هجری نینگ ایتیشیچه، ولایت مقامی نینگ بویروغ بیلن بو عایله گه بیر مقدار ییگولیک ماده یاردم بیریلگن.
منطقه مسجدی نی امامی عبدالقهارنینگ ایتیشیچه، باله نینگ آته‌سی سقور تیلی بیلن باشقه 10 فرزندی گه آذیق-آوقت تاپیش گه مجبور بولگن. او، مذکور ولایت نینگ محلی حکومتی دن رمضان آیی ده کم‌بغل و نیازمند عایله‌لرگه یاردم بیریشی‌نی طلب قیلگن.
افغانستانده کم‌بغل‌لیک باعث، فرزندنینگ ساتیش ینگی واقعه ایمس دیر. هر نیچه آی ده بو توپراق نینگ آته و آنه‌لریدن بیری عایله اعضالرینی توق سقلش اوچون فرزندلریدن بیری نینگ ساتیش گه مجبور بولیشه‌دی.
