پنجشیر حاکمی کمال‌الدین نظامی نینگ خبری بیر ییغینده ایتیشیچه، کرونا ویروسی آلدی آلینیشی اوچون اوشبو ولایت امنیتی کوچلرگه پنجشیر کیریش دروازه‌سی نینگ باغل‌نیشی خصوصیده بویروغ بیرگن.
حاضرگه‌قدر پنجشیر ولایتیده ساغلیک ایشلاوچی‌لریدن 11 ته‌سی شامل 50 کیشی کرونا ویروسی‌گه چلینگن. اوشبو ولایت داکترلری و ساغلیک ایشلاوچی‌لریدن بیرقطارینی کرونا ویروسی‌گه چلینگنی باعث، یشاوچی‌لر ساغلیک خذمت‌لرگه قول تاپیش خصوصیده جدی قیین‌چیلیک‌لر بیلن روپه‌ره بولگن.
جناب نظامی نینگ ایتیشیچه، کرونا ویروسی آلدی آلینیشی خصوصیده اهالی‌گه معلومات بیریش و شبهه‌لی واقعه‌لر رقمی‌نی توپله‌ش اوچون 600 کیشی‌نی وظیفه لنتیرگن.
پنجشیر حاکمی نینگ کوپه‌یتیریشیچه، کرونا ویروسی‌گه قرشی کوره‌شیش اوچون اجره‌تیلگن 20 میلیون افغانی دن 10 میلیون افغانی‌سیگه دارو و ساغلیک تجهیزات‌لر ساتیب آلینگن.
جناب نظامی‌گه کوره، مذکور پول دن 3.9 میلیون افغانی‌سیگه کرونا ویروسی‌گه قرشی کوره‌شیشده دخیل بولگن نهادلرگه ایمنی وسایل و 3.7 میلیون افغانی‌سیگه کرونا تجرید مرکزلری اوچون ساغلیک تجهیزات‌لر ساتیب آلگن.
نظامی نینگ کوپه‌یتیریشیچه، پنجشیر ولایتیده کرونا ویروسی‌گه قرشی کوره‌شیش اوچون 33 میلیون افغانی‌گه نیاز و بوتوغریده بولگن پیشنهادلرینی ساغلیق‌نی سقلش وزیرلیگی بیلن شریک قیلگن‌لر.
کرونا ویرسی‌گه قرشی کوره‌شیش اوچون اجره‌تیلگن پول نینگ قنده‌ی شکلده هزینه ایتیلیشی خصوصیده بیرقطار سوراق‌لر موجود، بیراق کرونا ویروسی‌گه قرشی کوره‌ش کمیته ایشلریدن نظارت قیلیووچی کینگش اعضاسی وحید کلانتری 20 میلیون افغانی نینگ تینیق شکلده هزینه ایتیلگنی‌نی تصدیق‌لیدی.
