ساغلیک وزیرلیگی نینگ اعلام قیلیشیچه، اوتگن 24 ساعت‌ده کرونا ویروسی گه شبهه‌لی 714 واقعه تیکشیریلگن کیم اولردن 15 ولایتده 215 کیشی نینگ نتیجه‌سی ایجابی انیق‌لنگن.
مذکور وزیرلیک نینگ معلوماتی اساسیده، اوتگن بیر کیچه-کوندوز ده 50 کیشی کابل، 57 کیشی هرات، 31 کیشی بلخ، 17 کیشی قندهار، 11 کیشی جوزجان، 9 کیشی پکتیا و 8 کیشی غور ده بو ویروس گه چلینگن.
شونینگدیک، 7 کیشی کنر، 6 کیشی لوگر، 5 کیشی ننگرهار، 4 کیشی فاریاب، اوچ اوچ کیشی پکتیکا و زابل و باشقه ایکی ایکی کیشی لغمان و خوست ده بو ویروس گه چلینگنی انیق‌لنگن.
مذکور وزیرلیک ساغلیک خدمتلر ترقه‌تیش معینی وحید مجروح رسانه‌لرگه تصویری بیر پیام یوباریب ایتیشیچه، اوتگن بیر کیچه – کوندوز ده مذکور ویروس گه چلینگن 3 کیشی هلاک و باشقه 4 کیشی ایسه دارولنگن.
اوشبو ینگی واقعه‌لر قید ایتیلیشی بیلن مملکتده کرونا ویروس گه چلینگنلر رقمی 3778 کیشی گه ییتیشگن کیم بولردن حاضرگچه 109 کیشی جان بیرگن و باشقه 472 ته‌سی دارولنگن.
