خوست مدنی فعال و یاش اولوغلری نینگ خواطر کورسهتیب ایتیشلریچه، حقوقی کیچیک دعوالرنی بویوک کورسهتیب خانهدانلر ارا قان توکیشگه سبب بولگنلر جزالنیشی لازم. خوست فعاللریگه کوره، بیرار پیت حتی کیچیک حادثهلر عایلهلر بوتون اعضاسینی اولیمیگه سبب بولگن.
خوست مدنی فعالی محمدانور زاهدنینگ سلاموطندارگه بیرگن بیاناتیده عدلی و قضایی نهادلردن عایلهلرگه نفاق تشلب نابود قیلهدیگن کیشیلر، قانون بویروغی اساسیده جزالهنتیریشلرینی ایستهیدی. اونینگ ایتیشیچه، کوپلب قوم یاش اولوغلری ییرنی بولیب بیریشگه توغری فیصله قیلمسلیکلری قوملر اورتهسیده دشمنلیک کیلتیرهدی و بو دشمنلیک ایسه ییللر دوام قیلیب ایکی تاماندن کوپلب قربانلیک آلیشهدی.
خوست ولایتینینگ قوم بویوکلریدن بیری شیرنوازخان نینگ ایتیشیچه، حکومت جدی صورتده عمل قیلیب عدالت اورنتمه گونگه قدر بونقه اوروشلر و اولدیریشلر دوام ایتهدی.
خوست ولایتی نینگ پولیس باشلیغی فیضالله غیرت نینگ ایتیشیچه، ایریم موردلرده بولهدیگن اوروشلرجریانیده ییگیتلر اولیب یرهلنهدی، بیراق اولر عایلهلر ارا یرهشیش کیلتیریش وعایلهوی معمالرنی برطرف قیلیشگه حرکت قیلگنلر. اونگه کوره، بوندن بویان حادثهلر عاملی بیلن قانون بویروغی اساسیده جزالنتیرهدیلر.
مملکت اوزاغ محلهلریده قومی قرمه قرشیلیکلر کوپ زمانلردن بیری دوام ایتیب کیلماقده و حاضر هم تومنلر و قیشلاقلرده قومی تصمیملر جرگه اساسیده آلینهدی و فیصله بولهدی.
