بوگون "چهارشنبه" جمهورلیک ریاستی سوزلاوچیسی صدیق صدیقی نینگ کابلده خبری بیر ییغینده ایتیشیچه، طالبان گروهی اوتگن 19 ییل جریانیده اهالی‌گه قرشی هیچ‌قنده‌ی جنایت‌دن قول تارتمه‌گن.
جناب صدیقی‌گه کوره، طالبان گروهی نینگ زوروانلیک و عصیانچی‌لیک‌که تعهدلی بولگنی باعث، تینچلیک لایحه‌سی نتیجه بیرمه‌ی و اوروش دوام قیلماقده.
اونینگ کوپه‌یتیریشیچه، مملکت امنیتی و دفاعی نهادلری نینگ معلومات‌لریگه کوره، طالبان گروهی تینچلیک شرطنامه امضا ایتیلگنیدن سونگ، گناه‌سیز اهالینی اولدیریش‌گه دوام بیره‌دی.
جناب صدیقی‌گه کوره، طالبان گروهی و آمریکا آره‌سیده تینچلیک شرطنامه امضا ایتیلگنیدن سونگ، افغانستان حکومتی و اهالیسی مملکت‌ده طالبان تامانیدن اوروش نینگ کمه‌یتیریلیشی‌گه گواه بولمه‌گن.
جمهورلیک ریاستی سوزلاوچیسی نینگ تاکید قیلیشیچه، افغانستان حکومتی تروریستی گروه‌لرنینگ وحشت‌لی هجوم‌لریگه قرشی جیم تورمه‌یدی.
اوتگن "سه‌شنبه" کونی قوراللی هجومچی‌لردن 3 ته‌سی کابل غربی‌ده جایلشگن 100 یاتاق‌لیک کسلخانه‌گه کیریب عیال‌لر و باله‌لر شامل 30 تینچ اهالینی اوققه توتگن.
