آمریکا مدافعه وزیری مارک اسپرنینگ ایتیشیچه، آمریکا حربیلری نینگ اوشبو مملکت جمهورلیک ریاستی سیلاویدن آلدین افغانستاندن چیقاریلیشی ورینت، لیکن «کوچلی ورینت» ایمس.
آمریکا مدافعه وزیری اوشبو صحبتلرنی اوتگن (چهارشنبه کونی 7 جوز) بیان قیلگن. اونینگ ایتیشیچه، آمریکالیک کوچلرنینگ افغانستاندن چیقاریلیشی خصوصیده زمانی جدول مطرح قیلمهیدی.
بوندن آلدین آمریکالیک میدیالردن بیرقطاری، جاری ییل نوامبری آی و آمریکا جمهورلیک ریاستی سیلاویدن آلدین آمریکالیک کوچلردن 8 مینگ تهسینی افغانستاندن چیقاریلیشی خصوصیده گزارشلر نشر قیلگن ایدی.
ایتیلیشیچه، اوتگن کونی آمریکا جمهور رئیسی دونالد ترامپ، برچه آمریکالیک حربیلر افغانستاندن چیقاریلیشینی بیلدیرگن ایدی، بیراق اولرنینگ قچان چیقاریلیشی خصوصیده معلومات بیرگن ایمس ایدی.
افغانستان حکومتی حاضرگهقدر بوتوغریده صحبت قیلمهگن.
اوتگن ییل حوت آیده قطر باشکنتی دوحه شهریده آمریکا و طالبان گروهی آرهسیده امضا ایتیلگن تینچلیک شرطنامه اساسیده، اوشبو مملکت 4 آی جریانیده افغانستاندهگی حربیلرینی 8600 گه کمهیتیرهدی و 14 آی جریانیده آمریکالیک کوچلر بوتونلی صورتده افغانستانی ترک قیلهدی.
