بوگون "پنجشنبه" ملی خوفسیزلیک کینگشی نینگ بیر خبرنامه آرقه‌لی ایتیشیچه، طالبان نینگ تخنیکی هیاتی کابل‌گه کیلگن و دولت هیاتی بیلن محبوس‌لرنینگ قنده‌ی شکلده قوییب یوباریلیشی خصوصیده صحبت اوتکزیشی ممکن.
ملی خوفسیزلیک کینگشی تامانیدن نشر قیلینگن خبرنامه‌ده، اوشبو هیات سانی خصوصیده معلومات بیریلمه‌گن.
بیراق، طالبان نینگ قطرده‌گی سیاسی دفتری سوزلاوچیسی سهیل شاهین نینگ توییتر صحیفه‌سیده یازیشیچه، 5 کیشی‌لیک بیرهیات محبوس‌لرنینگ قوییب یوباریلیشی و اولرنی تثبیت قیلیش اوچون کابل‌گه یوباریلگن.
ایتیلیشیچه، طالبان نینگ 3 کیشی‌لیک بیر هیاتی حمل آی نینگ 12- تاریخی‌‌ده کابل کیلدی، بیراق دولت هیاتی بیلن نیچه مرته اوچرهشگنیدن سونگ، کابل‌نی ترک قیلگن ایدی.
افغانستان حکومتی نیچه پیت آلدین طالبان محبوس‌لریدن کمیده 1 مینگ ته‌سینی قوییب یوبارگنیدن سونگ، زوروانلیک‌لر کوپه‌یگنی سبب، بو لایحه‌نی توخته‌تیب قویگن ایدی.
بیراق، ایکی کون آلدین دولت نظارتی‌گه بولگن طالبان محبوس‌لری نینگ قوییب یوباریش جریانی قیته‌دن باشلندی.
آمریکا و طالبان آره‌سیده امضا ایتیلگن تینچلیک شرطنامه اساسیده، دولت قماقخانه‌لریده بولگن 5 مینگ طالب و طالبان نظارتیده بولگن 1000 دولتی عسکرنی قوییب یوباریلیشی ممکن. طالبان گروهی حاضرگه‌قدر امنیتی کوچلردن 250 ته‌سینی قوییب یوبارگن.
