هرات حوزه‌یی کسلخانه‌سی مسوول‌لری نینگ ایتیشیچه، مذکور کسلخانه ایشلاوچی‌لریدن 60% کرونا ویروسی‌گه چلینگن.
هرات حوزه‌یی کسلخانه‌سی نینگ باش طبیبی عارف جلالی کرونا ویروسی‌گه چلینگن‌لر جمله‌سیدن دیر. اونینگ سلام‌وطندارگه ایتیشیچه، مذکور کسلخانه ایشلاوچی‌لریدن باشقه بیر قطاریگه کرونا نشانه‌لری کورینه‌‍دی و کیله‌جک کون‌لرده اولرنینگ سیناودن اوتکزیلیشی ممکن.
جناب جلالی نینگ ایتیشیچه، داکترلر و ایشلاوچی‌لردن بیرقطاری قرنطینه دوره‌سینی اوتکزگن‌لریدن سونگ، قیته‌دن ایش‌گه باشله‌گنلر، بیراق کسل‌لرگه یخشی شکلده ساغلیک خذمت‌لر ارایه قیلینیشی اوچون باشقه کیشی‌لرنینگ استخدام قیلینیشی ممکن.
هرات حوزه‌یی کسلخانه مسوول‌لریگه کوره، مذکور کسلخانه‌ده تورلی بولیم‌لرده کمیده 2 مینگ کیشی شغل‌لنه‌دی.
ساغلیق‌نی سقلش وزیرلیگی تامانیدن بیریلگن آمارلرگه کوره، حاضرگه‌قدر مملکت بوییچه 17267 کیشی کرونا ویروسی‌گه چلینگن.
ایتیلیشیچه، حاضرگه‌قدر مملکت بوییچه کرونا ویروسی‌گه چلینگن‌لردن 294 ته‌سی دنیا دن اوتیب و باشقه 1 مینگ و 522 کیشی درمان‌لنگن دیر.
