خوست ولایتی نینگ اسماعیلخیل و مندوزی تومنی یشاوچیلریدن بیرقطاری نینگ ایتیشلریچه، اوشبو تومنده بیر عایله نینگ 7 اعضاسینی قتلی گه عیبدار کیشی نینگ اویی محل اهالیسی تامانیدن اوت بیریلگن.
اولرگه کوره، اسماعیلخیل و مندوزی تومنیده بولگن منگل قومی خوستگل عایلهسی نینگ 7 اعضاسینی قتلی گه عیبدار کیشی نینگ اویینی اوت بیریشگن.
محل یشاوچیلری نینگ ایتیشلریچه، منگل قومی دیگان قیشلاغی اهالیسینینگ مصلحتی بیلن خوستگل عایلهسی نینگ قاتللری و اوشبو واقعه گه قولی بولگن ابهسینی اوغیللرینینگ اویلرینی اوتگه تارتیشگن.
خوست پولیس قومندانلیگی نینگ مسؤوللرینی اوتگن کون اعلان قیلیشیچه، اسماعیلخیل و مندوزی تومنیده ناتانیش قوراللی کیشیلر بیر عایله نینگ 7 اعضاسینی اولدیریب و بیر باله نی یرهلنتیرگن.
محل یشاوچیلری نینگ ایتیشلریچه، اعضاسی اولدیریلگن عایله کمبغل و قشاق ایکن و منگل قومی نینگ آرهسیده بولگن رسمی معلومات اساسیده، مذکور عایله نینگ اعضاسینی قتلی گه عیبلنگن کیشی نینگ اویی اوت بیریلگن.
خوست پولیس قومندانلیگی نینگ سوزلاوچیسی عادل حیدر، اویلر اوتگه تارتیلگنی توغریسیده هیچ نرسه دیمهیدی، بیراق کوپهیتیریشیچه، اسماعیلخیل و مندوزی تومنی نینگ دیگان قیشلاغیده بیر عایله نینگ 7 اعضاسینی اولدیرگن قاتللر تانیلیب و قولگه آلینیشی توغریسیده تیکشیروولر دوام ایتماقده.
عادل حیدرنینگ ایتیشیچه، دیگان قیشلاغی ناتینچ بولگنی اوچون پولیس قیشلاققه کیره آلمهیدی.
