طالبان گروهی تامانیدن زوروانلیکلر کوپه‌یگنی‌دن سونگ، افغانستان بوییچه استرالیا و کانادا ایلچی‌لری نینگ بیر اعلامیه آرقه‌لی ایتیشیچه، طالبان تامانیدن زورونلیک‌لر کوپه‌یتیریلگنی باعث، افغانستان یشاوچی‌لری تینچلیک تامین ایتیلیشی خصوصیده نامید بولگن‌لر.
بوگون "پنجشنبه" افغانستان بوییچه استرالیا ایلچی‌سی جفری توت و کانادا ایلچی‌سی دیف متکف نینگ قوشمه بیر اعلامیه آرقه‌لی اعلان قیلیشیچه، افغانستان امنیتی و دفاعی کوچلری زوروانلیک‌نی کمه‌یتیرگن، بیراق طالبان گروهی اولرگه قرشی زوروانلیک‌نی کوپه‌یتیرگن.
مذکور اعلامیه‌ده ایتیلیشیچه، طالبان گروهی افغانستان اهالیسی نینگ بیر بولیمی‌دن نماینده‌لیک قیلیش‌نی ادعا قیله‌دی، بیراق اولر تامانیدن زوروانلیکلر کوپه‌یتیریلیشی نامید قیلیووچی دیر. اعلامیه‌ده کوپه‌یتیریلیشیچه، طالبان گروهی نینگ زوروانلیک‌لرنی کمه‌یتیریب و تینچلیک سوزلشوولر خصوصیده سعی و حرکت قیلیش‌لری کیره‌ک.
کانادا و استرالیا ایلچی‌لری، سونگی پیت‌لرده طالبان تامانیدن اویوشتیریلگن هجوم‌لرنی قاره‌لب و مذکور هجوم‌لر تیکشیریلیب و عامل‌لرنی جزالنتیریلیشی اوستیگه تاکید قیلگن.
طالبان گروهی سونگی آی‌لرده افغانستان امنیتی و دفاعی کوچلری‌گه قرشی هجوم‌لرینی کوپه‌یتیرگن، بیراق افغانستان بوییچه کانادا و استرالیا ایلچی‌لری اوشبو گروه دن زوروانلیک‌لرنی کمه‌یتیریب و آتیش‌کسین اعلان قیلیشی‌نی سوره‌گن.
