ننگرهار محلی مسووللری نینگ ایتیشیچه، اوتگن کیچه اوشبو ولایت نینگ کوزکنر تومنیده سووتاشقین‌لر نتیجه‌سیده بیر عیال و 15 باله جان بیرگن.
اولرنینگ ایتیشیچه، مذکور واقعهده بیر باله درک‌سیز یوقالیب و باشقه 4 باله یره‌لنگن.
ننگرهار ولایت مقامی سرپرستی تمیم عارف مومند نینگ ایتیشیچه، مذکور سووتاشقین‌لر عاقبتیده اونلرچه مسکونی اوی و شخصی جایدادلر تخریب بولگن.
جناب مومند نینگ کوپه‌یتیریشیچه، زیان کورگن‌لرگه یاردم بیریش اوچون مربوط بولگن اداره‌لرگه بویروغ بیریلگن.
ننگرهار محلی مسووللری نینگ کوپه‌یتیریشیچه، محلی مقام‌لر و کوزکنر تومنی نینگ سرپرستی محل یشاوچی‌لری نینگ یاردمی بیلن یوقالگن بیر باله نینگ جسدی‌نی تاپیش و بند قالگن‌لرنی قوتقریش اوچون سعی و حرکت قیلماقده.
