ننگرهار قماقخانه‌سیده اویوشتیریلگن هجوم‌دن 4 کون اوتگنیدن سونگ، بیرلشگن ملت‌لر تشکیلاتی نینگ خوفسیزلیک کینگشی اوشبو هجوم‌نی قاره‌لب و عامل‌لرنی جزالنتیریلیشی‌نی سوره‌گن.
اوتگن "چهارشنبه" کونی بیرلشگن ملت‌لر تشکیلاتی‌نی خوفسیزلیک کینگشی نینگ بیر اعلامیه آرقه‌لی ایتیشیچه، خلق ارا قانونلر و اوشبو کینگش شرطنامه‌سیگه کوره، بو هجوم عامل‌لرینی محکمه قیلینیشی خصوصیده بوتون مملکت‌لرنی افغانستان دولتی‌گه یاردم بیریشی کیره‌ک.
بیرقطار قوراللی هجومچی‌لر اسد آی نینگ 12- تاریخیده ننگرهار قماقخانه‌سیگه هجوم قیلگن ایدی‌لر. امنیتی مسووللرنینگ ایتیشیچه، اوشبو هجومده تینچ اهالی و حربی‌لر شامل 29 کیشی هلاک و باشقه 50 کیشی یره‌لنگن.
ملی مدافعه وزیرلیگی نینگ اعلان قیلیشیچه، امنیتی و دفاعی کوچلر تامانیدن اویوشتیریلگن تازه‌لش عملیات 20 ساعت دوام قیلگن و نتیجه‌ده 8 هجومچی هلاک ایتیلیب و قماقخانه بناسی امنیتی کوچلر نظارتی‌گه اوتگن.
