کابل جمعه کونی (۱۷- اسد) طالبان گروهی محبوس‌لری قوییب یوباریلیشی یا-ده یوباریلمه‌سی توغریسیده قرار آلیش اوچون ۴- تینچلیک مصلحتی لویه جرگه یولگه قوییلیشی گه شاهد بولدی.
مملکت جمهوررئیسی محمداشرف غنی هییت مناسبتی بیلن بیرگن بیاناتی گه ۴۰۰ محبوس قوییب یوباریلیشی خصوصیده قرار آلیش اوچون مصلحتی لویه جرگه یولگه قوییلیشی نی اعلام قیلگن ایدی.
جمهوررئیس غنی قانون اساسیده «حق‌العبدی» جرم‌لرگه چلینگن طالبان محبوس‌لری نینگ قوییب یوباریش اونینگ صلاحیتی‌دن ایمس ایکنلیگی نی نیچه مرته بیلدیرگن ایدی.
بوگون (شنبه ۱۸- اسد) افغانستان انسان حقلری ایرکین کمیسیونی نینگ ایتیشیچه، جرگه اشتراکچی‌لری سوزلشولریده اوروش قربانی‌لری نینگ حقلری نی نظر گه آلیش‌لری کیره‌ک، بیراق بو موضوع حاضرگچه جرگه اشتراکچی‌لری تامانیدن بحث گه آلینمه‌گن.
انسان حقلری ایرکین کمسیونی نینگ کوپه‌یتیریشیچه، بو نهاد محبوسلر قوییب یوباریلیشی نینگ انسانی حقلری خصوصیده دنیا جماعه چیلیگی و افغانستان دولتی نینگ توجه‌سیزلیگیدن خواطر گه دیر.
مذکور کمیسیون گه کوره، انسان حقلری ایرکین کمیسیونی آمریکا و طالبان گروهی آره‌سیده کیلیشوونامه امضاله‌نیب و محبوسلر قوییب یوباریلیشی خصوصیده سوزلشوولر باشلنگنیدن کیین، ۲- مارچ و ۱۸- جولای آیی‌ده بیر نامه آرقه‌لی سوراقلر و توشونچه‌لرنی ارایه قیلگن ایکن.
انسان حقلری ایرکین کمیسیونی قربانیلر حقلری و قوییب یوباریلگن محبوسلر تینچ اهالی ضرر بیرمه‌سلیگی توغریسیده سوراق سوره‌گن ایکن، بیراق کمیده ۵۰۰۰ محبوس قوییب یوباریلیشی بیلن حاضرگچه افغانستان دولتی تامانیدن آچیق بیر جواب قولگه کیلتیرمه‌گن.
انسان حقلری کمیسیونی تینچلیک پروسه‌سیده اوروش قربانی‌لری نینگ حضوری و توشونچه‌سی توغریسیده اورغوله‌گن.
کمیسیون نینگ ایتیشیچه، تینچلیک پروسه‌سیده کینگ کیچیریش (اوروش جرم‌لری و انسانیت گه قرشی جنایت‌لردن تشقی) رواج دیر و بو اوروش و زوروانلیک یکونلنگنیدن کیین یوز بیره‌دی، بیراق محبوسلر قوییب یوباریلیشی شرط صفتیده نظرگه آلینیشی رواج ایمس.
انسانی حقلر ایرکین کمیسیونی نینگ کوپه‌یتیریشیچه، گزینه‌لر یالغیز محبوس‌لرنی قویباریش یا-ده قویبارمه‌سلیک ایمس دیر. کمیسیون نینگ اورغولشیچه، شرط‌سیز و قیدسیز قوییب یوباریش وازکیچیش فرهنگی گه سبب بوله‌دی.
تینچلیک مصلحتی لویه جرگه اوتگن کون (جمعه ۱۷- اسد) طالبلرنینگ ۴۰۰ محبوسی نی قوییب یوباریش خصوصیده، قرار آلیش اوچون ملی مصالحه عالی کینگش باشلیغی عبدالله عبدالله ریاستی بیلن یولگه قوییلدی.
تینچلیک مصلحتی لویه جرگه بوگون یکونلنگونگه قدر اوروش جنایتی گه چلینگن محبوس‌لرنینگ قوییب یوباریلیشی یا-ده قوییب یوباریلمه‌سی خصوصیده اوز قراری نی اعلام قیله‌دی.
مذکور جرگه ده ۷۰۰ عیال شامل کمیده ۳۲۰۰ کیشی مملکت ۳۴ ولایتی‌دن شرکت قیلگن.
