اوتگن ۲۴ ساعت‌ده مملکت نینگ ۷ ولایتیده طالبان هجومی باعث امنیتی کوچلردن ۳۷ ته‌سی هلاک ایتیلگن.
شونینگدیک، مذکور آتیشمه‌لرده ۳۲ طالب هلاک ایتیلگن.
کاپیسا پولیس قومندانلیگی نینگ رسانه دفتری مسئولی عبدالشایق شورش نینگ سلام‌وطندارگه ایتیشیچه، مذکور ولایت نینگ تگاب تومنیده طالبان هجومی باعث، امنیتی کوچلردن ۸ ته‌سی هلاک ایتیلگن.
کابل، تخار، بلخ، بدخشان، کندز، قندهار، میدان وردک و غزنی ولایت‌لریده طالبان گروهی نینگ هجوم‌لری باعث، تینچ اهالی شامل اونلرچه کیشی هلاک و یره‌لنگن.
بلخ حاکمی سوزلاوچیسی منیر فرهاد نینگ ایتیشیچه، اوتگن کیچه بو ولایتده ملی خوفسیزلیک کوچ‌لریگه تیگیشلی بیر پوسته طالبان هجومی گه دوچ کیلگن کیم نتیجه‌ده، ملی خوفسیزلیک کوچ‌لریدن ۵ ته‌سی هلاک و باشقه ۳ ته‌سی اسیر آلینگن.
عین حالده، ایچکی ایشلر وزیرلیگی سوزلاوچیسی طارق آرین نینگ توییتر صحیفه‌سیده یازیشیچه، اوتگن ایکی هفته‌ده مملکتده طالبان جنگری‌لری نینگ هجوم‌لری باعث ۳۲۸ تینچ‌اهالی هلاک و یره‌لنگن.
