ننگرهار محلی مسوول‌لری نینگ اعلان قیلیشیچه، جلال‌آباد شهریده ملی خوفسیزلیک کوچلری تامانیدن اویوشتیریلگن عملیات عاقبتیده، داعش اعضالریدن 4 ته‌سی هلاک ایتیلگن.
بوگون "چهارشنبه" ننگرهار ولایت مقامی نینگ بیر اعلامیه نشر قیلیب ایتیشیچه، اوشبو عملیات‌ده مملکت شرقیده داعش گروهی نینگ هدف‌لی ترورلر مسوولی و باشقه بیر هجومچی‌سی هلاک ایتیلگن.
اعلامیه‌ده کوپه‌یتیریلیشیچه، امنیتی کوچلر داعش اعضالرینی قولگه آلیش‌گه قرار قیلگن ایکنلر، بیراق داعش جنگریلری امنیتی کوچلرگه قرشی اوق آتگن.
اعلامیه‌ده ایتیلیشیچه، داعش جنگریلری تینچ اهالی و مسکونی اوی‌لردن سنگر صفتیده قوللنه‌دی. اعلامیه‌گه کوره، داعش جنگریلریدن 3 ته‌سی عملیات جریانیده هلاک ایتیلگن و باشقه بیری یانیده بولگن پارتلش ماده‌نی پارتلتگنی نتیجه‌سیده هلاک ایتیلگن.
ننگرهار ولایت مقامی‌گه کوره، مذکور عملیات‌ده بیرقطار حربی تجهیزات، نقده پول، بیر هندی ریکشا و باشقه بیر عراده کورلا موتر امنیتی کوچلر قولیگه توشگن.
داعش گروهی حاضرگه‌قدر بوتوغریده صحبت قیلمه‌گن.
