گرچند مهاجرلیک اوزاق زمانلردن بویان اهالی نینگ آرهسیده موجود بولگن بیر پدیده دیر و بو یالغیز افغانستان گه خلاصه بولمهیدی، بیراق مملکتده ناتینچلیک و ایشسیزلیک کوپهیشی باعث مذکور پدیده کنترول دن چیقیب و آلدی آلینمهگن.
هر کون یوزلرچه افغانستانلیک اهالی تورلی دلیللر باعث تشقی مملکتلرگه مهاجر بولهدی و شونینگدیک یوزلرچه یشاوچی قیتهدن اولکه گه قیتهدی.
نیمروز مملکت نینگ چیگرهیی تومنلریدن بیری دیر کیم کونده یوزلرچه یشاوچی بو ولایت آرقهلی ایران کیتیب-کیلهدیلر. ایران دن نیمروز کیلهدیگن افغانستانلیک یشاوچیلردن کوپینچهسی قیتهقوریش و ساختمانی ایشلر بیلن شغللنگن.
نیمروز ده ساختمانی شرکتلردن بیری نینگ مسئولی عبدالشکور نظری نینگ ایتیشیچه، ایش گه آلگن ایشلاوچیلریدن کوپینچهسی ساختمانی تجربهلرنی حرفهیی شکلده مملکتدن تشقی اورگنگن.
اونگه کوره، ساختمانی ایشلاوچیلردن کوپینچهسی ینگیلیککه ایران دن قیتگن کیشیلر دیر. «مهاجرلیک نینگ فایدهلریدن بیری شو دیر کیم ییگیتلر تشقی مملکتلردن ینگی ایشلرنی اورگهنیب و مملکت نینگ کیلهجگی اوچون یخشی نقش اوینهشلری ممکن.»
ایران و پاکستان مملکتلریدن افغانستان گه قیتگن یشاوچیلردن قطاری ساختمانی ایشلر بیلن شغللنگن.
قدرت فاتح نیمروز ولایتی نینگ یشاوچسی دیر. او ۶ آی آلدین ایران دن مملکت گه قیتگن. اونینگ ایتیشیچه، مذکور مملکتده کوپینچه ساختمانی ایشلرنی اورگنگن.
تشقی مملکتلردن افغانستان قیتگن یشاوچیلردن قطاری، ساختمانی ایشلرگه علاوه خیاطلیک، گل تیکیش و آرایشگرلیک نی اورگنگن.
آرزو صدف نیمروز ولایتی نینگ یشاوچیسی دیر. او بیر ییل آلدین ایران دن مملکت گه قیتگن. اونینگ ایتیشیچه، خیاطلیک و آرایشگرلیک نی ایران ده اورگنگن و افغانستان ده ایشلهشدن کوپ خرسند دیر.
«بوگون مسلکی بیر آرایشگر صفتیده اهالی نینگ خذمتی گه قرار تاپگنیم اوچون کوپ خرسند من و بو ایش آرقهلی اولرگه فایدهلی واقع بولیشیم ممکن. مین مهاجرلیکدن قیتگنیم دن بویان بیر آرایشگاه آچیش اوچون حرکت قیلدیم و بوگون کوپینچه اوقووچی تربیهلگن من.»
مملکت گه قیتگن مهاجرلر مسلکی و فنی ایشلرنی اورگهنیش گه علاوه، اولردن قطاری تعلیمی و تحصیلی سند قولگه کیلتیریش بیلن حکومت و شخصی نهادلرنینگ یوقاری و اونملی رتبهلریده ایش قیلماقده.
اسدالله اسد نیمروز ولایتی نینگ یشاوچیلریدن باشقه بیری دیر. او ۴ ییللیک لسانس دورهسی نینگ تاجیکستان گه اوتکزگن. اونینگ ایتیشیچه، تحصیل و بیلیم آرقهلی مملکت گه فایدهلی تمام بولیش گه ایشانچی کامل.
«مین تاجیکستان گه مهاجر بولدیم و مهاجرلیکدن فایدهلنیش بیلن مذکور مملکتده تحصیلات گه دوام بیردیم و مملکتده قیتگنیم دن کیین یخشی بیر وظیفه آلیش گه موفق بولدیم.»
اجتماعی ایشلر بیلرمانلرنینگ ایشانچلریگه کوره، مهاجرلیک نینگ یمان نقطهلری و قیینچیلیکلری بولگن بیر حالده، ایجابی نقطهلری هم بار کیم بیر اجتماع نینگ فرهنگی نی رواجلهنیشی گه یاردم بیرهدی.
نیمروز ولایتی نینگ مهاجرلر ریاستی باشلیغی محمدسلیم قاضیخیل نینگ سلاموطندارگه ایتیشیچه، مملکت گه قیتگن مهاجرلرگه ایش زمینهسی یرهتیلیشی ممکن. اونگه کوره، مملکت گه قیتگن یشاوچیلر یاردمچی نهادلر بیلن ادارهلرگه ایش گه آلینهدی.
افغانستان مهاجرلرنینگ کوپینچه رقمی نی اوزی گه اَجرهتگن مملکتلردن بیری دیر. مهاجرلیک وزیرلیگی نینگ معلوماتی اساسیده، سونگی پیتلرده افغانستانلیک مهاجرلردن کوپینچهسی تورلی مملکتلر اینیقسه ایران و پاکستان دن مملکت گه قیتگن.
