اجتماعی ترماقلرده قولمه قوله بوله‌دیگن صوتی بیر اودیوده ایشی توخته تیلگن کابل امنیه قوماندانی گل‌نبی احمدزی اوزگریش قوزغلانی اعتراضچیلریگه اوق اوزیش اوچون بویروق بیرگنی معلوم بوله‌دی.
اوشبو اودیوده سیس‌ده جناب احمدزی ایشی توخته تیلگن کابل امنیه قوماندانی حسن‌شاه فروغ‌گه اعتراضچیلر ملی کوچلرگه بوی سونمه‌گن حالده، «اولرگه قرشی اوق» اوزیش اوچون بویروق بیرگن.
شونینگدیک اوشبو اودیو سیس‌ده جناب گل‌نبی احمدزی حسن شاه‌فروغ‌گه اعتراضچیلر مقاومت قیلگن حالده، دستلب سوو بیلن ترقه‌تیب یوباریش سونگ اوق اوزیب ترقه‌تیش اوچون بویروغ بیرگنی معلوم بوله‌دی.
ایشی توخته تیلگن کابل پولیس قوماندانی حسن‌شاه فروغ مذکور اودیو سیس‌ده کابل اونینچی امنیتی حوزه آمرینی تهدید قیلیب، اعتراضچیلر قولگه آلینیب چادرلری جمع‌لنمه‌گن تقدیرده، « ایشدن آلینیشلری خصوصیده» آگاهلنتیرگنی ایشیتیله‌دی.
لیکن، گل‌نبی احمدزی مذکور سیس قنده‌ی قیلیب یازیب آلینگن لیگی توغریسیده سلام‌وطندارگه بیرگن صحبت‌ده بو سیس نی تصدیق ایتمه‌گن.
حسن شاه فروغ ایسه مذکور سیس ساخته لشتیریلگن لیگینی تیلگه آلگن. « بونده‌ی سیسلرنی ترقه‌تیش سیاسی نقطه نظرده یخشی ایمس» دیدی جناب فروغ.
جاری ییل جوزا آیی نینگ 10- سیده کابل‌ده صادر ایتیلگن قانلی واقعه‌ده کمیده 90 کیشی قربان بولگن ایدی. شونینکدیک حادثه‌ده کمیده 500 کیشی آغیر یینگیل یره‌لندی. اوشبو پارتلشدن سونگ یوزلب اعتراضچی جمهور رییس مصلحتچیسی حنیف اتمر، ملی خوفسیزلیک باشلیغی و باشقه امنیتی اداره‌لر رهبرلری ایشدن آلینیش طلبی بیلن چیقیش قیلدیلر.
اعتراضچیلرگه قرشی اوق اوزیش جریانیده سنا مجلسی بیرینچی اورین باسری علم ایزدیارنینگ اوغلی سالم ایزیاد هلاک ایتیلدی. ایرته‌سی اونینگ توپراققه تاپشیریش مراسیده حکومت نینگ یوقاری مرتبه‌لی ملازملری اشتراکیده اوقیله دیگن جنازه مراسیمده نیچه انتحاری هجوم عملگه آشیریلدی. نتیجه‌ده 8 کیشی هلاک بولیب، 87 کیشی یره‌لندی.
