ننگرهار ولایتیده رسمیلرنینگ ایتیشلریچه، ولایت محلی پولیس قوماندان لریدن بیری و خوگیانی تومنینینگ « مندوی» سی کگی بازار بولیم لریدن بیرینی مسؤولی لفظی توقنه شوولردن سونگ اوق اوزگنلر، نتیجه ده اوچ محلی پولیس و بیر تجار جان بیرگن.
ننگرهار ولایتی والی سی‌نینگ سوزلاوچی سی عطاوالله خوگیانی سلام وطندار بیلن اوتگزگن صحبتی‌ده اوشبو خبرنی تصدیق‌لب معلوم قیلیشیچه، حادثه محلی پولیس قوماندان لریدن دولت ناملی شخص خوگیانی تومنینینگ « مندوی» سی کگی بازار بولیم‌لریدن بیرینی مسؤولی جاحی سیدآغا بیلن توقنه شگن پیتده یوز بیریب، سونگ اوق اوزیش باشلنگن.
شونینگ‌دیگ جناب خوگیانی حاضرگه قدر حادثه قنده ی یوز بیرگننی انیق ایمس دیگن.
جناب خوگیانی‌گه کوره، یوز بیرگن توقنه شوو سبب مذکور محلی قوماندان ایکی ایشداشی و سید آغا اولیب و تجارنینگ اوغلی یره لنگن.
بوندن آلدین هم ننگرهار ولایتی‌نینگ چپرهار تومنیده میز ساتیش اوچون اورین نینگ اوستی‌گه توقنه‌شیش یوز بیریب نتیجه‌ده، بیر عیال قوشیمچه تورت شخص جان بیرگن ایدیلر
