.jpg)
6– جون پایتخت کابل‌ده "کابل پروسه‌سی" دیب اتلگن خلق ارا ییغین اوتکزیلدی. اوشبو ییغین‌ده 23 مملکت نماینده‌لری جمله‌دن ایران، پاکستان، امریکا و بویوک بریتانیا همده بیرلشگن ملتلر تشکیلاتی اروپا بیرلشمه‌سی همده ناتو وکیللری قتنشگن ایدیلر. "کابل پروسه‌سی" ییغینی اساساً افغانستان‌ده صلح و برقرارلیک‌نی اورنه‌تیش مسئله‌سی‌گه بغیشیلب تشکیل ایتیلدی.
افغانستان رهبری محمد اشرف غنی مذکور ییغین‌ده سوزله‌گن نطقی‌ده تینچلیک تأمینلنیشی‌نی افغانستان اوچون بیرینچی درجه‌لی اهمیت‌گه ایگه ضرورت ایکنی‌نی تأکیدلب، طابلر تامانی‌نی سونگی مرته تینچلیک جریانی‌گه قوشیلیش‌لیک‌که چقیردی. عین حالده او طالبلرنی حقیقی معناده صلح قیلیش اوچون اوز اراده‌لرینی کورستگن‌لریده افغانستان دولتی‌نی اوشبو گروه پایتخت کابل و یا باشقه بیر مملکت‌گه اوز وکالتخانه‌لرینی آچیشلیک‌که راضیلیک بیلدیره‌دی دیدی. در واقع جناب غنی طالبلرنی افغانستان دولتی بیلم صلح قیلیشلری اوچون سونگی چانس‌دن فایده‌لنیشلری لازملیگی‌نی تیل‌گه آلدی.
" کابل پروسه‌سی" مملکت پایتختی‌ده قانلی خودکش هجوملر و ترور حمله‌لری یوز بیرگن هفته‌ده تشکیل ایتیلدی. مذکور ییغین جدی بیر شکل‌ده امنیتی چاره تدبیرلر کوریلگن حالده اوتکزیلدی. جناب غنی اوتگن چهارشنبه کونی کابل شهریده عمل‌گه آشیریلگن مثلی کوریلمه‌‌گن پارتلش‌ده 150 کیشی‌دن آشه‌راق آدملر تلف بولگنی همده یوزلب کیشی یره‌لنگنی‌نی اعلان ایتدی. حال بو که رسمی منبعلر مذکور حادثه ده 90 کیشی قربان بولگن لیکلری باره‌سیده معلومات بیرگن ایدیلر.
افغانستان جمهور رییسی سونگی کونلر ایچیده لندن و کابل‌ده یوز بیرگن ترور هجوملریگه اشاره قیلیب افغانستاننی ترورچیلیککه قرشی کوره‌ش جبه‌سیده بیرینچی چیزیق‌ده جنگ قیله یاتگنی‌نی هم تاکیدله‌دی. اونگه کوره دنیا بویلب ترورچیلر فعالیتلری میدانی کینگه‌ییب باریش‌گه قره‌مه‌ی، دنیا دولتلری قوپاروچیلر گه قرشی لازم اندازه ده کوره ش مه‌پتیلر.
جمهور رییس غنی افغانستان‌ده دوام ایته دیگن نا تینچ وضعیت‌گه رسمی اسلام آباد اساسی عامل ایکنی‌نی بیلدیریب پاکستان تامانیدن افغانستان دولتی و خلقی‌دن نیمه‌لر ایسته‌شینی آچیقلشی‌نی سوره‌دی. غنی رسمی کابل‌نی پاکستان تامانی بیلن تینچلیک مسئله‌سی بوییچه همکارلیک کورستیش اوچون مهم قدملر تشله‌گنینی اوقتیریب، رسمی اسلام آبادنی بو ساحه‌ده افغانستان دولتی بیلن همکارلیک قیلمه‌گن لیککه عیبله‌دی.
غنی، پاکستان تشقی ایشلر وزیریگه خطاباً افغانستاننی پاکستان تامانیدن اعلام ایتیلمه‌گن جنگ بیلن روبه رو ایکنی‌نی هم تیل‌گه آلدی. "کابل پروسه‌سی" باشلنگن لحظه‌لرده پایتخت نینگ امنیت نقطه نظریدن یشیل منطقه سنلگن شش درک ده نا معلوم ییردن آتیلگن بیر راکت توشیب پارتله‌دی. طالبلر تامانی اوشبو هجوم مسوولیتی‌نی بوینی‌گه آلدی.
"کابل پروسه‌سی" خلق ارا ییغینی افغانستان باش کینتی‌ده ناتینچ‌لیکلر همده سیاسی کیلیشماوچیلیکلر اوج آلگن بیر زمانده اوتکزیلدی. اوشبو ییغین افغانستان‌ده حقیقی بر قرارلیک‌نی تأمینلش اوچون منطقه و دنیا دولتلرینی بیر آره‌گه کیلتیریش اوچون تشکیل ایتیلگن ایدی.
یقین‌ده افغانستان تشقی ایشلر وزیری همده جمعیت اسلامی حزبی نینگ سرپرستی صلاح الدین ربانی دولت نینگ بیر قطار بلند مرتبه‌لی رسمیلرینی قوم پرستلیک‌که و افغانلر امنیتی‌نی تامینلش مسئله‌سی‌گه بیر فرق یانده‌شه یاتگن لیککه عیبلب اولرنی ایش‌دن بوشه‌تیلیشی‌نی سوره‌گن ایدی. جمهور رییسلیک سرایی اوشبو ادعالرنی رد قیلگن.
.jpg)
"کابل پروسه‌سی" بحثلری نتیجه آلیب کیله‌می؟
افغانستان‌ده اوزاق ییللردن بیری منطقه و دنیا دولتلری اورتهسیده نیابتی اوروش دوام ایتماقده. بو آره‌ده افغانستان خلقی اساسی قربانلرنی تشکیل ایته دیلر. مذکور اورش‌گه پایان بیریش اساسی اویینچیلر اراده‌سی بیلن باغلیق بیر مسئله‌گه ایلنگن.
در واقع افغانستان اوروشی نه فقط منطقه‌ده‌گی ایکّی اساسی رقیب کوچ هندوستان و پاکستان اورته‌سیده‌گی رقابتلر نتیجه‌سی سنه‌له‌دی بلکه اینگ ییریک خلق ارا کوچلر جمله‌دن امریکا و روسیه قاله بیرسه ناتو، اروپا بیرلشمه‌سی و ختای (چین) هم بو ییریک اوینگه دخلدار اساسی اویینچیلر قطاریگه کیره دیلر.
"کابل پروسیه‌سی" کبی خلق ارا ییغینلر عادی اهالی‌نی آوونتیریش اوچون اوتکزیله دیگن ییغنلردن بیری. بوندن آلدین هم افغانستان مسئله‌سی‌گه بغیشلب کته ییغینلر منطقه و دنیا سطحی‌ده بیر مرته تشکیل ایتیلگن ایدی، اولر نینگ هیچ بیری ایجابی نتیجه آلیب کیلمه‌گنی دیک "کابل پروسیه‌سی" مجلسی‌گه هم امید باغلش کیره‌ک ایمس.
هر حالده افغانستان سیاستچیلری و قوملری اورتهسیده بیرلیک و بیردملیک‌نی کوچه‌یتیریش مملکت کیله‌جگی اوچون مهم بیر مسئله. افسوس که سونگی کونلر ایچیده تورلی عامللر سبب مملکت حیات کیچیره دیگن قوملر اورتهسیده نفاق اوتی النگه لنماقده. بو مشکل افغانستاننی ینه کته مصیبتلرگه دوچ قیلیشی طبیعی بیر حال.
بیرینچی‌دن افغانستان دولتی نینگ بلند مرتبه‌لی عملدارلری، سیاسی حزبلر و تامانلر وضعیت‌نی قنچه‌لیک قلتیس لیگی‌نی نظرگه آلگن حالده، مملکت ملی بیردملیک روحیهسینی کوچه‌یتیریش اوچون بار امکانلردن فایده‌لنیب ضروری چاره‌لر کوریشلری کیره‌ک. افغانستان خلقی‌نی تشکیل ایته دیگن ایریم اتنیک گروه‌لرنی هوشیاو سیرگک بولیش لیککه چقیریش و اهالی اورتهسیده بیرلیک و همکارلیک روحیهسینی کوچلنتیریش کون نینگ اساسی مسئله‌سی.
