افغانستان ایرکین میدیالریدن حمایت قیلووچی اداره (نی) نینگ ینگی بیر فکر اورگهنیش گزارشیده ایتیشیچه، افغانستان بوییچه هر 10 خبرچیدن بیر خبرچی معلوماتگه قول تاپهدی.
بوگون (سهشنبه) کابلده خبری بیر ییغینده نطق سوزلهگن (نی) تشکیلاتی اجراییه باشلیغی عبدالمجیب خلوتگرنینگ ایتیشیچه، اوشبو فکر اورگهنیشده 180 خبرچی (مملکت خبرچیلری جملهسیدن 1.5%) بیلن صحبت اوتکزیلگن.
خبرچیلرنینگ ایتیشیچه، معلومات بیرمس گه تورلی بهانهلر موجود و بو بهانهلر هردایم حکومت ادارهلرنینگ رسمیلری تامانیدن ذکر ایتیلهدی.
نی دفتری اجراییه باشلیغینینگ ایتیشیچه، اوشبو فکر اورگهنیش بیر آی جریانیده 13 ولایت جملهدن بدخشان، بامیان، بلخ، بغلان، فاریاب، غزنی، هرات، کابل، قندهار، کنر، لغمان، ننگرهار و تخار ولایتلریده عملگه آشیریلگن.
خلوتگرنینگ کوپهیتیریشیچه، حکومت خبری ییغینلردن تشقری معلومات بیریشگه ارادهسی بار و یوقلیگینی ایتیشی کیرهک و معلوماتگه قول تاپیش خصوصیدهگی هرقندهی تهدید نظرگه آلینیشی لازم.
بیراق، جمهورلیک ریاستینینگ مطبوعات دفتری سرپرستی شاهحسین مرتضوی، نَینینگ فکر اورگهنیشیده خبرچیلرنینگ رقمی و قندهیلیگیدن تنقید قیلیب سلاموطندارگه ایتیشیچه: «بو فکر اورگهنیش معیاری ایمس.» مرتضوینینگ ایتیشیچه، معلوماتگه قول تاپیش خصوصیده قانوندن باشلب جمهور رییسنینگ بویروغیگه قدر حکومتنینگ قراری قطعی دیر.
معلوماتگه قول تاپیش قانونی، 1393- ییلنینگ سرطان آییده نمایندهلر کینگشی تامانیدن کوپینچه آواز بیلن تصدیقلندی، بیراق حاضرگهقدر حکومت ادارهلریدن بیرقطاری، اوندن خبرسیز دیر.
