اوشبو واقعه «دوشنبهدن سهشنبه» گه اوتر کیچهسی قندهارنینگ شاهولیکوت تومنی قلعهچۀ اچکزایی منطقهسیده یوز بیرگن.
آتی فاش ایتیلیشینی ایستمهگن امنیتی بیر منبعنینگ سلاموطندارگه ایتیشیچه، «دوشنبهدن سهشنبه» گه اوتر کیچهسی قوراللی طالبلر، مذکور منطقهده حربی کوچلرنینگ بیر قرارگاهی اوستیگه هجوم قیلگن و امنیتی کوچلر بیلن اوروشگنلر.
منبعگه کوره، اوروش نتیجهسیده، 10 حربی عسکر هلاک ایتیلگن و شونینگدیک، قوراللی طالبلرنینگ 4 قومندانی شامل 10 اعضاسی اولدیریلگن.
بیراق، قندهار پولیس قومندانلیگی سوزلاوچیسی ضیا درانینینگ ایتیشیچه، بو هجومده 13 طالب هلاک ایتیلگن و حربی کوچلرگه هیچ قندهی زیان ییتمهگن.
قوراللی طالبلر حاضرگچه بو توغریده هیچ نرسه دیمهگن.
