چافغانستانده سیلاولر ایشی بیلن مشغول اداره (تیفا) قولگه کیریتیلگن معلوماتلرگه قرهگنده پارلمان همده تومنلر کینگشی سیلاولری جاری ییل اوتکزیلیشی نا ممکن دیگن.
تشکیلات نینگ باشلیغی نعیم ایوبزاده خبری انجمنده، جاری ییلده ملی بیرلیک حکومتی سیلاولرنی اوتکزیش اوچون نیتی یوق دیدی.
جاری ییلده سیلاولر اوتکزیلمهگن تقدیرده، مملکت ییریک قیینچیلیکلر بیلن روپه ره بولهدی دیگن او.
جناب ایوبزاده، سیلاولر اوتکزیلمس لیگی اوچون نمایندهلر مجلسی ییریک توسیق دیدی. هنوزگچه کمیسیون مالی بودجهسی همده سیلاوچلرنینگ رویخطی تیار بولیشی اوچون کمیسیون هیچ بیر ایش قیلمهگن دیگن ایوبزاده.
اما، اجراییه ریاستی نینگ سوزلاووچیسی مجیبالرحمان رحیمی، ملی بیرلیک حکومتی نینگ رهبرلری پارلمانی ینه تومنلر کینگشی سیلاولری اوتکزیلیشی اوچون کوچلی سیاسی اراده گه ایگه دیگن.
جناب رحیمی، حکومت همده خلق ارا تشکیلاتلر سیلاولر اوتکزیلیش زمانی انیق ایتیلیشی مقصدیده سیلاولر مستقل کمیسیونی بیلن حاضر مذاکره آلیب بارماقده دیگن.
حاضرگی وضعیتدن چیقیش اوچون تیفا ادارهسی خوفسیزلیک کوچلری امنیتگه جدی اعتبار بیریب، سیلاولر مستقل کمیسیونی مستقللیگیگه قالیشنی حکومت گه تکلیف قیلگن.
