افغانستانلیک معاصر شاعر، یازووچی و ژورنالیست اسدالله عفیف باختری عالمدن اوتدی. او، جمعه‌دن شنبه‌گه اوتر کیچه‌سی مزارشریف شهریده‌گی ابوعلی سینای بلخی شفاخانه‌سیده دنیادن کوز یومدی.
عفیف باختری قویاش 1341- ییل‌ده بلخ ولایتی‌ده دنیاگه کیلگن. او، لیسه دورینی باختر و عالی تحصیلات‌نی ایسه کابل بیلیم یورتی نینگ ایکینچیلیک فاکولته‌سیده بیتیرگن.
شونینگدیک باختری بلخ سواد اورگه‌تیش اداره‌سیده اوقیتووچیلیک، ولایت یازووچیلر اویوشمه‌سی نینگ خادمی ینه شمالی ولایتلر اجتماعی و فرهنگی ایشلری بوییچه اداره نینگ مسوولی صفتیده خذمت قیلگن. او، 1377- ییل‌دن حاضرگه قدر بلخ قیزیل یریم آی تشکلاتی‌نینگ یایین و فرهنگ بولیمی‌ده خذمت قیلگن.
باختری 1381- ییل‌ده «جهان نو» ژورنالی نینگ باش مُحریری و 1389- ییل‌ده ایسه «الف تا یا» آیلیگی نینگ مسوول مدیری اوله‌راق ایشله‌گن.
باختری‌نینگ هنوزگچه «یولدوز و تاش»، «کُل رنگلی آوازه‌لر»، «مین دینگیز تیلی بیلن»، عزیزیم! بیر پیاله چای بیلن قینده‌سیز؟» و «یوز غزل» دن عبارت بیش شعری توپله‌می باسیلگن.
